ପଛୁଆ ବର୍ଗ ବିକାଶ ମଞ୍ଚ ତରଫରୁ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ
ବ୍ରହ୍ମପୁର, (ଅନିଲ କୁମାର):ଗଞ୍ଜାମ ଜିଲ୍ଲା ପଛୁଆବର୍ଗ ବିକାଶ ମଞ୍ଚ ତରଫରୁ 19 ଦଫା ଦାବୀ ସମ୍ୱଳିତ ଏକ ସ୍ମାରକପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି ା ମଞ୍ଚ ସଭାପତି ପ୍ରଭାକର ସାହୁଙ୍କ ତତ୍ତ୍ୱାବଧାନରେ ଏକ ଟିମ୍ ଆର୍ଡିସିଙ୍କ ଗେଟ୍ ସମ୍ମୁଖରେ ବିଭିନ୍ନ ଦାବୀ ଉପରେ ବିକ୍ଷୋଭ ପ୍ରଦର୍ଶନ କରିଥିଲେ ା ମୁଖ୍ୟ ଦାବି ଗୁଡିକ ମଧ୍ୟରୁ 20214 ମସିହା ପୂର୍ବରୁ ଓବିସି ବର୍ଗ ଯେଉଁ 27 ପ୍ରତିଶତ ସଂରକ୍ଷ ନିଯୁକ୍ତି, ରଜନୈତିକ, ଅର୍ଥନୈତିକ, ସାମାଜିକ କ୍ଷେତ୍ରରେ ପାଇ ଆସୁଥିଲେ, ତାହା ପୁନଃ ପ୍ରଚଳନ କରିବା ନିମନ୍ତେ ଦାବୀ କରିଛନ୍ତି ା ପ୍ରକାଶ ଥାଉକି ଶିକ୍ଷା କ୍ଷେତ୍ରରେ ଓବିସି ବର୍ଗ କୌଣସି ସଂରକ୍ଷଣ ପାଉନାହାଁନ୍ତି ା ତେଣୁ ବୈଷୟିକ ଓ ଅଣବୈଷୟିକ ଶିକ୍ଷା କ୍ଷେତ୍ରରେ ମଧ୍ୟ 27 ପ୍ରତିଶତ ସଂରକ୍ଷଣ ଦିଆଯାଉ ା ଭାରତର ସବୁ ରାଜ୍ୟରେ 27 % ସଂରକ୍ଷଣ ଏବଂ ତାଠାରୁ ଅଧିକ ପାଇଆସୁଥିବା ସ୍ଥଳେ ଓଡ଼ିଶାରେ ଓବିସି ଜନସଂଖ୍ୟାର 54% ରୁ ଅଧିକ ଥିବା ସତ୍ତ୍ୱେ ଏଥିରେ କାହିଁକି ବ୍ୟତିକ୍ରମ ହୋଇଛି ଜଣାପଡୁନାହିଁ ା ତେଣୁ ସରକାର ଆମ୍ଭର ଏହି ଦାବି ପତ୍ର ଉପରେ ପୁଙ୍ଖାନୁପୁଙ୍ଖ ଭାବେ ତର୍ଜମା କରି ଏକ ମାସ ମଧ୍ୟରେ ପୂରଣ କରିବା ନିମନ୍ତେ ମଞ୍ଚ ତରଫରୁ ଦାବି କରାଯାଉଛି ା ଉକ୍ତ କାର୍ଯ୍ୟକ୍ରମରେ ସବିତା ସାହୁକାର, ରିତାଞ୍ଜଳି ସ୍ଵାଇଁ, ହରପ୍ରିୟା ସାହୁ, ବାସୁଦେବ ସାହୁକାର, ପ୍ରମୋଦ ମହାରଣା, ବିଦ୍ୟାଧର ମହାରଣା, ଡି.ଆପ୍ପା ରାଓ, ଧନେଶ୍ଵର ନାୟକ ପ୍ରମୁଖ ଅଂଶ ଗ୍ରହଣ କରିଥିଲେ ା
