ଗୋରୁ ବୋଝେଇ ଗାଡ଼ି ଜବତ ୨ଅଟକ

କୋଣାର୍କ, (ଗଣେଶ ଚନ୍ଦ୍ର ବେହେରା):କୋଣାର୍କ ଓ ଏହାର ଆଖପାଖ ଅଞ୍ଚଳରୁ ଗାଇ ବିକ୍ରି ହେଉଥିବା ଅଭିଯୋଗ ହୋଇଆସୁଥିଲା। ସୋମବାର କୋଣାର୍କ ଏନଏସି ୪ ନଂ ୱାର୍ଡ଼ କରମଙ୍ଗା ଗ୍ରାମରୁ ଏକ ଗୋରୁ ବୋଝେଇ ଗାଡ଼ିକୁ ବିଶ୍ବ ହିନ୍ଦୁ ପରିଷଦର କର୍ମକର୍ତ୍ତା ଦେଖି ଥାନାକୁ ଖବର ଦେଇଥିଲେ। ଖବରପାଇ ଘଟଣାସ୍ଥଳରେ କୋଣାର୍କ ପୁଲିସ ପହଞ୍ଚି ଗୋରୁ ବୋଝେଇ ଗାଡ଼ି ଜବତ କରିବା ସହିତ ଗାଡ଼ି ଚାଳକ ବେପାରୀଙ୍କୁ ଥାନାକୁ ଆଣି ପଚରାଉଚରା ଚଳାଇଛି। ୩ଗାଇକୁ ଉଦ୍ଧାର କରାଯାଇଛି। ଏହି ଗ୍ୟାଙ୍ଗରେ କୋଣାର୍କ ଓ ଏହାର ଆଖପାଖ ଅଂଚଳର ଅନ୍ୟମାନେ ରହିଥିବା ସାଧାରଣରେ ଚର୍ଚ୍ଚା ହେଉଛି। ଏ ସମ୍ପର୍କରେ ୨୧୩/୨୪ରେ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିବା ଚନ୍ଦ୍ରଭାଗା ମେରାଇନ ଥାନା ଆଇଆଇସି ପ୍ରତିମା ସାହୁ ସୂଚନା ଦେଇଛନ୍ତି ।