ସମସ୍ୟା ଘେରରେ ପାଣପଶି ଉଚ୍ଚ ପ୍ରାଥମିକ ବିଦ୍ୟାଳୟ

କେନ୍ଦୁଝର (ପୂର୍ଣ୍ଣଚନ୍ଦ୍ର ମହାନ୍ତ): ଝୁମ୍ପୁରା ବ୍ଲକ ବଡନେଉଳି ପଞ୍ଚାୟତ ର ପାଣପଶି ଗ୍ରାମବାସୀ ଙ୍କ ଉଦ୍ୟମ ରେ ୧୯୭୨ ମସିହାରେ ବିଦ୍ୟାଳୟ ସ୍ଥାପନ କରି ସ୍ଥାନୀୟ ଗ୍ରାମର ଛାତ୍ରଛାତ୍ରୀମାନଙ୍କର ଶିକ୍ଷା ର ବିକାଶ ଆରମ୍ଭ କରିଥିଲେ। ବର୍ତ୍ତମାନ ଏହି ବିଦ୍ୟାଳୟ ବିଭିନ୍ନ ସମସ୍ୟା ଦେଇ ଗତି କରୁଥିବା ଦେଖିବାକୁ ମିଳିଛି। ସରକାର ବର୍ତ୍ତମାନ ସ୍ବଚ୍ଛତା ପ୍ରତି ଅଧିକ ଗୁରୁତ୍ଵ ଦେବା ସହିତ ବାହାରେ ମଳତ୍ୟାଗ ନକରିବା ପାଇଁ ବ୍ୟାପକ ପ୍ରଚାର ପ୍ରସାର କରିବା ସହିତ ଏ ବାବଦକୁ ସରକାର ପ୍ରତି ଆର୍ଥିକ ବର୍ଷରେ ସ୍ବତନ୍ତ୍ର ଭାବରେ ଅନୁଦାନ ପ୍ରଦାନ କରୁଛନ୍ତି। କିନ୍ତୁ ଏହି ବିଦ୍ୟାଳୟରେ ପୂର୍ବରୁ ନିର୍ମାଣ ହୋଇଥିବା ପାଇଖାନା ଭାଙ୍ଗି ଯାଇଥିବାରୁ ବର୍ତ୍ତମାନ ଏହି ବିଦ୍ୟାଳୟ ରେ ଅଧ୍ୟୟନ କରୁଥିବା ଛାତ୍ରଛାତ୍ରୀ ପାଇଖାନା ନଥିବାରୁ ବାହାରେ ଝାଡା ପରିସ୍ରା କରୁଥିବା ଦେଖିବାକୁ ମିଳୁଛି। ସେହିପରି ବିଦ୍ୟାଳୟ ର ପାଚେରୀ ଅଧାଭଙ୍ଗା ଅବସ୍ଥାରେ ରହିଛି ଯାହା ଫଳରେ ବିଦ୍ୟାଳୟ ସୌନ୍ଦର୍ଯ୍ୟ କରଣ ପାଇଁ ଲାଗିଥିବା ଫୁଲ ଗଛ ସହିତ ସୋ ଗଛ ଗୁଡ଼ିକ ବୁଲା ଗାଈ ଛେଳି ଖାଇ ଯାଉଛନ୍ତି ଯାହା ଫଳରେ ବିଦ୍ୟାଳୟ ର ସୌନ୍ଦର୍ଯ୍ୟ କରଣ ନଷ୍ଟ ହେଉଛି। ଏହି ବିଦ୍ୟାଳୟରେ ବର୍ତ୍ତମାନ ରେ ପ୍ରଥମ ଶ୍ରେଣୀ ଠାରୁ ଅଷ୍ଟମ ଶ୍ରେଣୀ ମଧ୍ୟରେ ୮୫ ଜଣ ଛାତ୍ରଛାତ୍ରୀ ଶିକ୍ଷା ଗ୍ରହଣ କରୁଛନ୍ତି। ତା ସହିତ ଶିଶୁ ବାଟିକା କୁ ସରକାର ସାମିଲ କରିଛନ୍ତି। ଏହି ବିଦ୍ୟାଳୟ ପାଇଁ ୬ ଜଣ ଶିକ୍ଷକ ନିଯୁକ୍ତି ବିଭାଗ ସରକାରୀ କାଗଜ କଲମରେ କରିଛନ୍ତି। କିନ୍ତୁ ବାସ୍ତବରେ ବର୍ତ୍ତମାନ ୩ ଜଣ ଶିକ୍ଷକ ଶିକ୍ଷାଦାନ କରିବା ପାଇଁ ରହିଛନ୍ତି। ବିଦ୍ୟାଳୟ ରେ ଶିକ୍ଷକ ଅଭାବ ରହିଥିବାରୁ ଅଭିଭାବକ ମାନେ ବିଦ୍ୟାଳୟ ରୁ ଧିରେ ଧିରେ ମୁଁହ ଫେରାଈବା ଆରମ୍ଭ କରି ଦେଲେଣି। ୩ ଜଣ ଶିକ୍ଷକ ଶିଶୁ ବାଟିକା କୁ ନେଇ ୯ ଟି ଶ୍ରେଣୀ ର ପିଲା ମାନଙ୍କୁ ଶିକ୍ଷାଦାନ କରିବା ସମ୍ଭବ ହେଉ ନ ଥିବା ଦେଖିବାକୁ ମିଳିଛି। ଏହି ବିଦ୍ୟାଳୟରେ ରହିଥିବା ସମସ୍ୟା ଗୁଡିକ ସମାଧାନ କରିବା ଦିଗରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ସ୍ବତନ୍ତ୍ର ଭାବରେ ଦୃଷ୍ଟି ଦେବାକୁ ଅଭିଭାବକ ମାନଙ୍କ ତରଫରୁ ଦାବି ହେଉଛି।