ହାଟଡିହି ହାଇସ୍କୁଲରେ ବ୍ଲକସ୍ତରୀୟ ଇକୋ କ୍ଲବ ପ୍ରଦର୍ଶନୀ ମେଳା

ହାଟଡିହି (ୟୁଏନ୍ଏସ୍): ହାଟଡିହି ହାଇସ୍କୁଲରେ ବ୍ଲକ ସ୍ତରୀୟ ଇକୋ କ୍ଲବ ପ୍ରଦର୍ଶନୀ ମେଳା ଅନୁଷ୍ଠିତ ହୋଇଯାଇଛି। ବ୍ଲକ ରେ ଥିବା ୪୫ଟି ହାଇସ୍କୁଲ ମଧ୍ୟରୁ ୨୫ଟି ହାଇସ୍କୁଲର ଛାତ୍ର ଛାତ୍ରୀ ମାନେ ଏଥିରେ ଅଂଶ ଗ୍ରହଣ କରିଥିଲେ। ପ୍ରଧାନ ଶିକ୍ଷକ ପରମାନନ୍ଦ ପରିଡାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ  ବ୍ଲକ ଶିକ୍ଷା ଅଧିକାରୀ ଓଁକାର ଅନ୍ୱେଷ  ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଅନ୍ୟତମ ଅତିଥି ଭାବେ ପରିଚାଳନା କମିଟ ସଦସ୍ୟ ମନମୋହନ ବେହେରା, ଅନିଲ କୁମାର ନାୟକ ପ୍ରମୁଖ ଯୋଗ ଦେଇଥିଲେ। ଏହି ପ୍ରଦର୍ଶନୀ ମେଳାରେ  ପରିବେଶ ସୁରକ୍ଷା ସମ୍ବନ୍ଧୀୟ ବିଭିନ୍ନ ପ୍ରକଳ୍ପ ସ୍ଥାନ ପାଇଥିବା ବେଳେ, ପ୍ଲାଷ୍ଟିକ ବର୍ଜନ, ଜଳ ଓ ମୃତ୍ତିକା ସଂରକ୍ଷଣ, ବର୍ଜ୍ୟବସ୍ତୁ ପରିଚାଳନା ଆଦି ଉପରେ ଛାତ୍ର ଛାତ୍ରୀ ମାନେ ୪୨ଟି ପ୍ରକଳ୍ପ ପ୍ରଦର୍ଶନକରି ଥିଲେ। ବର୍ତ୍ତମାନ ସମୟରେ ସୁସ୍ଥ ଜୀବନ ଯାପନ ଦିଗରେ ଇକୋ କ୍ଲବ ଦ୍ବାରା ସଚେତନତା ସୃଷ୍ଟି କରିବା ଏହାର ଆଭିମୁଖ୍ୟ ବୋଲି ଅତିଥି ମାନେ ମତବ୍ୟକ୍ତ କରିଥିଲେ। ହାଟଡିହି କଲେଜର ଅଧ୍ୟାପିକା ମହେଶ୍ଵତା ଶର୍ମା, ଲିପ୍ସା ପ୍ରୀୟ ଦର୍ଶନୀ ବେହେରା, ଅବସର ପ୍ରାପ୍ତ ବିଜ୍ଞାନ ଶିକ୍ଷକ ବିନୋଦ କୁମାର ପଣ୍ଡା ପ୍ରମୁଖ ବିଚାରକ ଭାବେ ଯୋଗଦେଇ ଶ୍ରେଷ୍ଠ ପ୍ରକଳ୍ପ ଗୁଡିକୁ ଚୟନ କରିଥିଲେ। ଶିକ୍ଷକ ମାଧବାନନ୍ଦ ଜେନା,  ପ୍ରମୋଦ କୁମାର ବେହେରା, ସାଇସୌମ୍ୟା ରାଉଳ, ଅନିତା ବେହେରା, ନିବେଦିତା ସିଂ, ମାନସୀ ସାହୁ, ତୃପ୍ତୀମୟୀ ଜେନା, ଲୀଳାବତୀ ଜେନା, ମାନସ ନାୟକ, ଜ୍ୟୋତି ପ୍ରକାଶ ବେହେରା, ସରୋଜ କୁମାର ବେହେରା, ତାପସ ନାୟକ, କବି ପ୍ରସାଦ ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ଏଥିରେ ହାଟଡିହି ହାଇସ୍କୁଲର ଅର୍ମାନ ନାୟକ ପ୍ରଥମ ସ୍ଥାନ ହାସଲ କରିଥିବା ବେଳେ ଆମ୍ବୋ ହାଇସ୍କୁଲର ପ୍ରୀତି ରଞ୍ଜନ ପାତ୍ର ଦ୍ୱିତୀୟ, ପନ୍ଦାଡୋ ହାଇସ୍କୁଲର ଶୁଭସ୍ମୀତା ଜେନା  ତୃତୀୟ ସ୍ଥାନ ହାସଲ କରିଥିଲେ। ସେମାନଙ୍କୁ ମାନପତ୍ର ଦିଆଯାଇ  ସମ୍ମାନୀତ କରାଯାଇ ଥିଲା।