ବିପଦ ସଙ୍କୁଳ ବିଦ୍ୟୁତ୍ ସବ୍ ଷ୍ଟେସନକୁ ମରମତି ଦାବୀ କଲେ ଉପଭୋକ୍ତା
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ବ୍ଲକ ଛୟାଳସିଂହ ପଞ୍ଚାୟତ ମଙ୍ଗୁଲିସ୍ଥିତ ବ୍ରାହ୍ମଣ ସାହିରେ ଥିବା ୬୩ କେଭି ବିଦ୍ୟୁତ୍ ସବ୍ ଷ୍ଟେସନ ବିପଦ ସଙ୍କୁଳ ଅବସ୍ଥାରେ ରହିଛି । ବହୁ ବର୍ଷ ପୂର୍ବେ ଏହି ସବ୍ ଷ୍ଟେସନ ସିମେଣ୍ଟ ଖୁଣ୍ଟରେ ତିଆରି ହୋଇଥିଲା । ବର୍ଷା, ପବନ ହେଲେ ଉକ୍ତ ସବ୍ ଷ୍ଟେସନଟି ଢଳି ପଡି ଦୋହଲୁ ଥିବାରୁ ଜୀବନ ପ୍ରତି ବିପଦ ସୃଷ୍ଟି ହେଉଛି । ଏହାର ଏୟାର ବ୍ରେକ୍ ସୁଇଚ୍ ଠିକ୍ ଭାବେ କାମ କରୁନାହିଁ । ବହୁ ସମୟରେ ଉପଭୋକ୍ତା ମାନେ ବିଦ୍ୟୁତ୍ ପାଇବାରୁ ବଞ୍ଚିତ ହେଉଛନ୍ତି । ବର୍ତ୍ତମାନ ଏହି ସବ୍ ଷ୍ଟେସନଟି ଢଳି ରହି ଥିବାରୁ ଲୋକ ମାନେ ଭୟଭୀତ ଅଛନ୍ତି ତେବେ ଏହି ପୁରୁଣା ବିପଦ ସଙ୍କୁଳ ସବ୍ ଷ୍ଟେସନର ସିମେଣ୍ଟ ଖୁଣ୍ଟକୁ ପରିବର୍ତ୍ତନ କରି ଲୁହା ଖୁଣ୍ଟ ବସାଇବା ସହ ଏବି ସୁଇଚ୍କୁ ମରାମତି କରିବା ନେଇ ଗ୍ରାମର ନାରାୟଣ ଦାଶ, ସୁଶାନ୍ତ କୁମାର ପତି, ପ୍ରଶାନ୍ତ ପତି, ଚନ୍ଦନ ପତି, ଆନନ୍ଦ କର, ବିନୋଦ କର, ବିଜୟ ପତି, ଶ୍ରୀକାନ୍ତ ପାଣିଗ୍ରାହୀଙ୍କ ସମେତ ବହୁ ଉପଭୋକ୍ତା ବାଲେଶ୍ୱର ଟିପିଏନଓଡିଏଲର ପରିଚାଳନା ନିର୍ଦ୍ଦେଶକ, ଅଧିକ୍ଷଣ ଯନ୍ତ୍ରୀ ଭଦ୍ରକ, ସହକାରୀ କାର୍ଯ୍ୟ ନିର୍ବାହୀ ପରିଚାଳକ ବନ୍ତଙ୍କୁ ଲିଖିତ ଅଭିଯୋଗ କରିଥିବା ଜଣାଯାଇଛି ।
