ସୁସ୍ଥ ନାରୀ ସଶକ୍ତ ପରିବାର ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ

ମୁନିଗୁଡା, (ନନ୍ଦ କିଶୋର ପଟ୍ଟନାୟକ):  ମୁନିଗୁଡାର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିସରରେ ବ୍ଲକ ସ୍ତରୀୟ ସୁସ୍ଥ ନାରୀ ସଶକ୍ତ ପରିବାର ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ମୁନିଗୁଡା ମେଡିକାଲ ଅଫିସର ଡା.ଆଶିଷ କୁମାର ପଣ୍ଡାଙ୍କ ସଭାପତିତ୍ୱ ଓ ବିପିଏମ ପ୍ରଭାକର ଧୋଳଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ବ୍ଲକ ଅଧକ୍ଷା ଦୁଃଖିନୀ ନୁନ୍ଦ୍ରୁକା, ସମ୍ମାନିତ ଅତିଥିଭାବେ ଜିଲ୍ଲା ଅତିରିକ୍ତ ସ୍ୱାସ୍ଥ୍ୟ ଅଧିକାରୀ ମମତା ସାହୁ,ସିଡିପିଓ ଗୀତାରାଣୀ ସାହୁ, ବିଜେପି ଓବିଶି ମୋର୍ଚା ରାଜ୍ୟ ଉପ ସଭାପତି ରାମଚନ୍ଦ୍ର ବେହେରା, ବ୍ଲକ ଶିକ୍ଷା ଅଧିକାରୀ ଗଣେଶ ଶବର ପ୍ରମୁଖ ଯୋଗଦେଇ ଶୁଭାରମ୍ଭ କରିଥିଲେ । ନାରୀ ମାନେ ସୁସ୍ଥ ରହିଲେ ହିଁ ପରିବାର ସମସ୍ତେ ସୁସ୍ଥରେ ରୁହନ୍ତି ବୋଲି ଆହ୍ୱାନ ଦେଇଥିଲେ l ସବୁ ମହିଳା ମାନଙ୍କ ଟୀକାକରଣ,ରକ୍ତ ପରୀକ୍ଷା,ରକ୍ତ ହୀନତା,ସିକଲସେଲ,ଅଣ ସଂକ୍ରମିତ ରୋଗ,ଯକ୍ଷ୍ମା ରୋଗ,ଉକ୍ତ ରକ୍ତଚାପ,ମଧୁମେହ ସହ ବିଭିନ୍ନ ରୋଗ ଚିହ୍ନଟ ପାଇଁ ପରୀକ୍ଷା କରାଯିବା ସହ ତାର ସଂପୂର୍ଣ ଚିକିତ୍ସା କରାଇବା ଏହି କାର୍ଯ୍ୟକ୍ରମର ମୂଳ ଉଦେଶ୍ୟା ଏବଂ ପ୍ରତି ଆୟୁଷ୍ମାନ ଆରୋଗ୍ୟ ମନ୍ଦିର ଉପକେନ୍ଦ୍ର ଓ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଆଜି ଠାରୁ ଆସନ୍ତା ୨ ତାରିଖ ପର୍ଯ୍ୟନ୍ତ ପ୍ରତ୍ୟେକ ଦିନ ମହିଳା ମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯିବ ବୋଲି ଅତିଥି ମାନେ ସୂଚନା ଦେଇଥିଲେ l ଏହି ଅବସରରେ ଏକ ମେଗା ସ୍ୱାସ୍ଥ୍ୟ ଶିବିର ଆୟୋଜନ କରାଯାଇ ରକ୍ତ ନମୁନା,ସ୍ବାସ୍ଥ୍ୟ ପରୀକ୍ଷା କରିବା ସହ ମାଗଣାରେ ଔଷଧ ପ୍ରଦାନ କରାଯାଇଥିଲା l ଉକ୍ତ ଶିବିରରେ ବିଭିନ୍ନ ବିଭାଗର ବିଶେଷଜ୍ଞ ଭାବେ ଡାକ୍ତର ରାୟଗଡାରୁ ଡା.ପି.କେ.ପାଢ଼ୀ,ଡା.ଚନ୍ଦନ ଗର୍ନାୟକ, ଡା.ଲକ୍ଷ୍ମୀପ୍ରଭା ଦାଶ, ଡା.କଲ୍ୟାଣ କୁମାର ପ୍ରଧାନ,ଡା.ଜିତେନ୍ଦ୍ର କୁମାର ପଣ୍ଡା ଡା.ରଞ୍ଜନ କୁମାର ସାହୁ,ମୁନିଗୁଡାରୁ ଡା.ମନୋବିନା ନାୟକ, ଡା.ଶ୍ରୀକାନ୍ତ ଦାଶ, ଡା.ଅନିଲ କୁମାର ବେହେରା,ସୁଚିସ୍ମିତା ସାହୁ, ଜି.ଆଲେକ୍ଷା ପ୍ରମୁଖଙ୍କ ସମେତ ଅନ୍ୟ ଡାକ୍ତର ମାନେ ଉପସ୍ଥିତ ରହି ଚିକିତ୍ସା କରିବା ଆବଶ୍ୟକ ପରାମର୍ଶ ପ୍ରଦାନ କରିଥିଲେ l ଏହି ଶିବିରରେ ସମୁଦାୟ ୪୫୦ ଜଣ ରୋଗୀ ପଞ୍ଜିକରଣ କରିଥିବା ବେଳେ ସେଥି ମଧ୍ୟରୁ ୨୪୯ ଜଣ ମହିଳା ଓ ୨୪୧ ଜଣ ପୁରୁଷ ପଞ୍ଜିକରଣ କରି ସ୍ବାସ୍ଥ୍ୟ ପରୀକ୍ଷା କରିବା ସହ ମାଗଣା ଔଷଧ ମଧ୍ୟ ପ୍ରଦାନ କରାଯାଇଥିଲା l ଉକ୍ତ ଶିବିରକୁ ମୁନିଗୁଡା ମେଡିକାଲ ବିଇଇ ସଂଯୁକ୍ତା ଗମାଙ୍ଗଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ହୋଇଥିବା ବେଳେ ଫାର୍ମାସିଷ୍ଟ ଲକ୍ଷ୍ମଣ ବାଗ,ଆକାଉଣ୍ଟାଣ୍ଟ ଦିବେଶ ଜାନି, ଏଲଏଚଭି କେ.ଭୁବନେଶ୍ୱରୀ ଦେବୀ, ଗୌରାଙ୍ଗ ଚରଣ ବାରିକ,ସୂର୍ଯ୍ୟ ନାରାୟଣ ସାହୁ,ସନ୍ତୋଷ କୁମର ପ୍ରମୁଖଙ୍କ ସମେତ ସ୍ବାସ୍ଥ୍ୟ କେନ୍ଦ୍ରର ଅନ୍ୟ କର୍ମଚାରୀ ମାନେ ଉପସ୍ଥିତ ରହି ପରିଚାଳନା ଓ ସହଯୋଗ କରିଥିଲେ ।
Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ