ଆଇନ ସହାୟତା କେନ୍ଦ୍ର ଉଦଘାଟିତ

କଟକ, (ଓ୍ବାଇଏନଏସ): ଜିଲ୍ଲା ଆଇନ ସେବା ପ୍ରାଧିକରଣ କଟକ ଆନୁକୂଲ୍ୟରେ ଏକ ଆଇନ ସାହାୟତା କେନ୍ଦ୍ର କଟକ ବକ୍ସି ବଜାରସ୍ଥିତ ଜିଲ୍ଲା ସୈନିକ ବୋର୍ଡ ପରିସରରେ ଉଦଘାଟିତ ହୋଇଯାଇଛି । ଏହି ଅବସରରେ କଟକ ଜିଲ୍ଲା ଆଇନ ସେବା ପ୍ରାଧିକରଣର ଅଧ୍ୟାକ୍ଷ ତଥା ଜିଲ୍ଲା ଓ ଦୌରାଜଜ ଦାୟିତ୍ୱରେ ଥିବା ଶ୍ରୀଯୁକ୍ତ ରାଜ କିଶୋର ମହାପାତ୍ର ଉପସ୍ଥିତ ରହି ଏହି ସହାୟତା କେନ୍ଦ୍ରଟିର ଉଦଘାଟନ କରିଥିଲେ । ଏହି ଆଇନ ସହାୟତା କେନ୍ଦ୍ରରେ ଆମ ଦେଶକୁ ସୁରକ୍ଷା ଦେଉଥିବା ସୈନିକ ମାନେ ଏବଂ ସେମାନଙ୍କ ପାରିବାରକୁ ଆଇନ ସହାୟତା ଦେବାରେ ସାହାୟକ ହେବ। ଏହି ଉଦଘାଟନ ଉତ୍ସବରେ ସୈନିକ ବୋର୍ଡ ର ଲେପନାଣ୍ଟ ବି.ଏନ ପାତ୍ର ଯୋଗଦେବା ସହିତ ବୋର୍ଡ ର ଅନ୍ୟାନ୍ୟ କର୍ମଚାରୀ, ପ୍ୟାନେଲ ଆଇନଜୀବୀ, ପି. ଏଲ. ଭି. ଓ ପ୍ରାଧିକରଣ କର୍ମଚାରୀ ଉପସ୍ଥିତ ଥିଲେ । କଟକ ଜିଲ୍ଲା ଆଇନ ସେବା ପ୍ରାଧିକରଣ ସଚିବ, ଶ୍ରୀଯୁକ୍ତ ଜଗଦୀଶ ଚନ୍ଦ୍ର ଜେନା ଆଜିର ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।