ଆଇନସେବା ସଚେତନତା ଶିବିର

କେନ୍ଦ୍ରାପଡ଼ା,(ଓ୍ବାଇଏନଏସ):ଜିଲ୍ଲା ଆଇନସେବା ପ୍ରାଧିକରଣ ପକ୍ଷରୁ ସ୍ଥାନୀୟ ନିକିରାଇ ବୀର ହନୁମାନଜୀଉ +୨ମାଧ୍ୟମିକ ବିଦ୍ୟାଳୟରେ ଏକ ଆଇନ ସଚେତନତା କାର୍ଯ୍ୟକ୍ରମ ମୈାଳିକ କର୍ତ୍ତବ୍ୟ, ପୋକ୍ସୋ ଆକ୍ଟ,ଜେଜେ (ସିପିସି)ଆକ୍ଟ ଏବଂ ପିଓଏସଏଚ ଆକ୍ଟ ଉପରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାଜଜ୍ ତଥା ସ୍ୱତନ୍ତ୍ର ପୋକ୍ସୋ ଜଜ୍ ପ୍ରଜ୍ଞା ପରମିତା ରାଉଳ ଯୋଗଦେଇ ପୋକ୍ସୋ ଆଇନି ଉପରେ ଛାତ୍ରଛାତ୍ରୀମାନଙ୍କୁ ବହୁମୂଲ୍ୟ ଉପଦେଶ ଦେଇଥିଲେ। ତତ୍ସହିତ ବିଭିନ୍ନ ପ୍ରକାର ଗଳ୍ପ ଓ ଉଦାହରଣ ଦେଇ ପିଲାମାନଙ୍କୁ ଏପରି ଅପରାଧରୁ କିପରି ନିବୃତ୍ତ ରହି ସୁସ୍ଥ ମାନସିକତା ସହିତ ସୁସ୍ଥ ସମାଜ ଗଢିବାରେ ସହାୟକ ହେବେ ଓ ଆଗାମୀ କାଲି ଭବିଷ୍ୟତ ନିର୍ମାଣରେ ଜଣେ ଜଣେ କର୍ଣ୍ଣଧାର ସାଜିବେ ଆହ୍ୱାନ ଦେଇଥିଲେ। ଅପରାଧ ଓ ଅପରାଧୀ ଏହି ବୟସରେ ଜଡିତ ନହେବା ପାଇଁ ଛାତ୍ରଛାତ୍ରୀମାନଙ୍କୁ ଉପଦେଶ ଦେଇଥିଲେ। ତତସହିତ ବରିଷ୍ଠ ସିଭିଲଜଜ ଶୁଭଗୈାତ୍ତମ ମିଶ୍ର, ଜେଏମଏଫସି ଦେବାଶିଷ ମିଶ୍ର, ପ୍ରୋବେସନ ଅଫିସର ସିମରନ ସୁକୁନିଆ, ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରଫେସର ତୁଷାରକାନ୍ତ ବରାଳ, ରାଜନୀତି ବିଜ୍ଞାନ ମୁଖ୍ୟ ଡ. ଆଲୋକ କୁମାର ରାୟ, ଆଇସିସିର ସଦସ୍ୟ ପ୍ରମୁଖ ଯୋଗଦେଇ ନିଜ ନିଜର ଅଭିଭାଷଣ ରଖିଥିଲେ। ତତସହିତ ଜେଜେ କୋର୍ଟର ସଦସ୍ୟ ଉପସ୍ଥିତ ରହି ଜେଜେ ସିପିସି ଆଇନ ଉପରେ ଅଭିଭାଷଣ ରଖିଥିଲେ। ଏହି କାର୍ଯ୍ୟକ୍ରମକୁ ପ୍ରାଧିକରଣର ସଚିବ ସନ୍ତୋଷ କୁମାର ମହାପାତ୍ର ପରିଚାଳନା କରିଥିଲେ।