ଜାତୀୟ ପ୍ରେସ ଦିବସ ପାଳିତ

ଆରଡି, ( ଆଲୋକ ଚନ୍ଦ୍ର ନାୟକ ) : ଭଦ୍ରକ ଜିଲ୍ଲା ଧାମନଗର ବ୍ଲକର ଧୂଷୁରୀ ସ୍ଥିତ ହୃଦାନନ୍ଦ ପାଠାଗାର ଠାରେ ଧୂଷୁରୀ ପ୍ରେସ ୟୁନିୟନ ପକ୍ଷରୁ ରବିବାର ଜାତୀୟ ପ୍ରେସ ଦିବସ ପାଳିତ ହୋଇଛି । ଏହି ଉପଲକ୍ଷେ ଅନୁଷ୍ଠାନର ସଭାପତି ସନ୍ତୋଷ କୁମାର ଦାସଙ୍କ ଅଧ୍ୟକ୍ଷତାରେ ଏକ ସଭାର ଆୟୋଜନ କରାଯାଇଥିଲା । ଯୁବ ଉଦୟୋଗୀ ସନ୍ତୋଷ କୁମାର ସାହୁ, ବ୍ରାହ୍ମଣପାଳ କାଳୀପୂଜା କମିଟି ସଭାପତି ମାନସ କୁମାର ନାୟକ, ସାମାଜିକ କର୍ମୀ ସନ୍ତୋଷ ରାୟ, ପ୍ରେସ ୟୁନିୟନ ସମ୍ପାଦକ ଦୀପ୍ତି ରଞ୍ଜନ ନାୟକ, କୋଷାଧ୍ଯକ୍ଷ ରତିକାନ୍ତ ନାୟକ, ଉପସଭାପତି ସିଦ୍ଧାର୍ଥ ଶଙ୍କର ମିଶ୍ର, ସମାଜ ସେବୀ ରବୀନ୍ଦ୍ର କୁମାର ନାୟକ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ । ଆଜି ସମାଜରେ ସାମ୍ବାଦିକ ମାନଙ୍କ ଜୀବନ ଅସୁରକ୍ଷିତ । ସବୁଠୁ ଅଧିକ ବିପଦର ସମ୍ମୁଖୀନ ହୁଅନ୍ତି ଏହି ସାମ୍ବାଦିକ ମାନେ । ଏଥି ସହିତ ସତ୍ୟ ଓ ନିରପେକ୍ଷ ସମ୍ବାଦ ପରିବେଷଣ ଉପରେ ଅତିଥି ମାନେ ଗୁରୁତ୍ବ ଆରୋପ କରିଥିଲେ । ଗ୍ରାମାଞ୍ଚଳର ଗଣମାଧ୍ୟମ ପ୍ରତିନିଧି ମାନେ ବିନା ପାରିଶ୍ରମିକରେ ନିଷ୍ଠାର ସହ ଯେଉଁ ସମ୍ବାଦ ପରିବେଷଣ କରନ୍ତି ସେମାନେ ଧନ୍ୟବାଦର ଯୋଗ୍ୟ ବୋଲି ସଭାରେ ମତପ୍ରକାଶ ପାଇଥିଲା । ପରିଶେଷରେ ସାମ୍ବାଦିକ ଲକ୍ଷ୍ମୀ ନାରାୟଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ।