ଆମ ପୁଲିସ ସମିତି ବୈଠକ

ହାଟଡିହି(ଓ୍ବାଇଏନଏସ): ନନ୍ଦିପଦା ଥାନାରେ ଆମ ପୁଲିସ ସମିତି ବୈଠକ ଅନୁଷ୍ଠିତ ହୋଇ ଯାଇଛି। ଥାନା ଇନ୍ସପେକ୍ଟର ବଳିଆ ବାରିକଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ବୈଠକରେ ଏସ. ଆଇ ଅନୁପ  କର, ଗୋପାଳ ମିଶ୍ର, ବିନୀତା ଲାକ୍ରା, ଆମ ପୁଲିସ ସଦସ୍ୟ ସୁଧାଂଶୁ ଦକ୍ଷିଣ ରାୟ, କିଶୋର ଆଚାର୍ଯ୍ୟ, କୃଷ୍ଣ ଚନ୍ଦ୍ର ଜେନା, ଧୂଶାସନ ସାହୁ, ମୋହନ କୁମାର ବେହେରା, ବୀରେନ୍ଦ୍ର କୁମାର ବିଶ୍ୱାଳ, ପ୍ରମୋଦ ନାୟକ,  ପ୍ରସନ୍ନ ମହାନ୍ତି, ବାଳକୃଷ୍ଣ ନାୟକ  ପ୍ରମୁଖ ଯୋଗଦେଇ ଥାନା ଅଞ୍ଚଳର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ଥାନା ଅଞ୍ଚଳରେ କୌଣସି ସ୍ଥାନରେ ସି ସି ଟିଭି କ୍ୟାମେରା ଲାଗି ନଥିବାରୁ ପୋଲିସ ତଦନ୍ତରେ ନାନା ସମସ୍ୟା ଦେଖାଦେଉ ଥିବାରୁ ଛେନାପଦି, ହାଟଡିହି, ମରେଇ ଗାଁ, ଶାଳଣିଆଁ ପ୍ରଭୃତି ସ୍ଥାନରେ  ସି ସି ଟିଭି କ୍ୟାମେରା ଲଗାଇବା ଉପରେ ଗୁରୁତ୍ୱାରୋପ କରାଯାଇଥିଲା। ସେହିପରି ବିଭିନ୍ନ ସ୍ଥାନରେ ପୂଜା ପାର୍ବଣ ଓ ବିବାହ ବ୍ରତ ଆଦି ଉତ୍ସବ ରେ ଡିଜେ ସାଉଣ୍ଡ କୁ ଅନୁମତି ପ୍ରଦାନ ଉପରେ ରୋକ ଲଗାଇବାକୁ ସଦସ୍ୟ ମାନେ ଆପତ୍ତି ଉଠାଇ ଥିଲେ। ସେହିପରି ରାସ୍ତାରେ ବାଲି, ଚିପିସ ଢାଳି ବ୍ୟବସାୟ କରୁଥିବା ବେଳେ ବିଭିନ୍ନ ଛକ ବଜାରରେ ରାସ୍ତା ଉପରେ ବାଇକ, ଚାରିଚକିଆ ରଖି ରାସ୍ତା ଅବରୋଧ କରୁଥିବାରୁ ସେନେଇ ପଦକ୍ଷେପ ନେବାକୁ ଆଲୋଚନା କରାଯାଇଥିଲା। ଆଗାମୀ ଦିନରେ ଆମ ପୋଲିସ ସମିତି ପକ୍ଷରୁ ଆଇନ ସଚେତନତା, ସଡ଼କ ସୁରକ୍ଷା ସଚେତନତା ଆଦି କରାଯିବା ଉପରେ ଆଲୋଚନା କରାଯାଇଥିଲା। ପ୍ରାରମ୍ଭରେ ଇନ୍ସପେକ୍ଟର କୁ ପଦୋନ୍ନତି ପାଇଥିବା ବଳିଆ ବାରିକଙ୍କୁ ଆମ ସମିତି ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିବା ବେଳେ ଏସ ଆଇ ଗୋପାଳ ମିଶ୍ର ଧନ୍ୟବାଦ ଅର୍ପଣ କରିଥିଲେ।