ଲାଞ୍ଚ ନେଇ ପୋଲସରା ବ୍ଲକ ସହକାରୀ ମତ୍ସ୍ୟ ଅଧିକାରୀ ଭିଜିଲାନ୍ସ ଦ୍ୱାରା ଗିରଫ

ପୋଲସରା,(ଅନୀଲ କୁମାର ମହାରଣା) : ଗଞ୍ଜାମ ଜିଲ୍ଲା ଅନ୍ତର୍ଗତ ପୋଲସରା ବ୍ଳକର ସହକାରୀ ମତ୍ସ୍ୟ ଅଧିକାରୀ ସୁରେଶ କୁମାର ବେହେରା, ଜଣେ ହିତାଧିକାରୀଙ୍କ ଠାରୁ ନେଟୱାର୍କ ମତ୍ସ୍ୟ ବିହନ ଉତ୍ପାଦନକାରୀଙ୍କୁ ସହାୟତା ଯୋଜନାରେ ପ୍ରାୟ ୧.୩୮ ଲକ୍ଷ ଟଙ୍କା ସବସିଡି ରାଶି ଏବଂ ଅଣ୍ଡା ସଂଗ୍ରହ ପାଇଁ ଟଙ୍କା ରସିଦ ପ୍ରଦାନ କରିବା ପାଇଁ ଲାଞ୍ଚ ଦାବି କରୁଥିବା ସମୟରେ ଓଡ଼ିଶା ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି। ଯୋଜନାର ବ୍ୟବସ୍ଥା ଅନୁଯାୟୀ, ହିତାଧିକାରୀ ପ୍ରକଳ୍ପରେ ନିବେଶିତ ଅର୍ଥର ୬୦% ପାଇବାକୁ ହକଦାର। ଏହା ବ୍ୟତୀତ, ହିତାଧିକାରୀ ଏଏଫଓ ଶ୍ରୀ ବେହେରାଙ୍କ ଦ୍ୱାରା ପ୍ରକଳ୍ପରେ ୪୩,୦୦୦/- ଟଙ୍କା ଅଣ୍ଡା ସଂଗ୍ରହ ପାଇଁ ଓ ମାଛ ଖାଦ୍ୟ ପାଇଁ ୨,୩୧,୩୯୦/- ଟଙ୍କା ନିବେଶ କରିଥିଲେ। କିନ୍ତୁ ଏଏଫଓ ଶ୍ରୀ ବେହେରା ଭଞ୍ଜନଗରରେ ସରକାରୀ ହ୍ୟାଚେରୀରୁ ଅଣ୍ଡା ସଂଗ୍ରହ ପାଇଁ ୪୩,୦୦୦/- ଟଙ୍କା ପ୍ରଦାନ ରସିଦ ପ୍ରଦାନ କରୁ ନଥିଲେ।  ମତ୍ସ୍ୟ ଚାଷୀ ହିତାଧିକାରୀଙ୍କ ବାରମ୍ବାର ଅନୁରୋଧ ସତ୍ତ୍ୱେ ସହକାରୀ ମତ୍ସ୍ୟ ଅଧିକାରୀ କୌଣସି କାରଣ ବିନା ପ୍ରକ୍ରିୟାରେ ବିଳମ୍ବ କରୁଥିଲେ। ବରଂ ଉପରୋକ୍ତ ସବସିଡି ରାଶି ଏବଂ ୪୩,୦୦୦/- ଟଙ୍କା ପ୍ରଦାନ ପାଇଁ ହିତାଧିକାରୀଙ୍କୁ  ଡିଜିଟାଲ୍ ମୋଡ (ଫୋନପେ) ମାଧ୍ୟମରେ ଟଙ୍କା ଦେବାକୁ ଜିଦ କରୁଥିଲେ। ହିତାଧିକାରୀ ମତ୍ସ୍ୟ ଚାଷୀ ଏଏଫଓ ଶ୍ରୀ ବେହେରାଙ୍କ ଦ୍ୱାରା ହଇରାଣ ହରକତ ହେଉଥିବା ଅଭିଯୋଗ କରି ଭିଜିଲାନ୍ସରେ ଅଭିଯୋଗ କରିଥିଲେ। ଏହା ପରେ, ଓଡ଼ିଶା ଭିଜିଲାନ୍ସର ଏକ ଦଳ ୧୫/୧୦/୨୫ ତାରିଖ ଦିନ ଅଭିଯୁକ୍ତ ଶ୍ରୀ ସୁରେଶ କୁମାର ବେହେରାଙ୍କୁ ତାଙ୍କ ମୋବାଇଲ୍ ନମ୍ବରରେ ଡିଜିଟାଲ୍ ମୋଡ୍ (ଫୋନପେ) ମାଧ୍ୟମରେ ଲାଞ୍ଚ ଆଠ ହଜାର ଟଙ୍କା ନେଉଥିବା ସମୟରେ ଗିରଫ କରିଥିଲେ। ଅଭିଯୁକ୍ତଙ୍କ ମୋବାଇଲ୍ ନମ୍ବରରେ ଲାଞ୍ଚ ରାଶି କାରବାର ପରେ, ଶ୍ରୀ ବେହେରାଙ୍କ ମୋବାଇଲ୍ ଫୋନ୍ ଭିଜିଲାନ୍ସ ଅଧିକାରୀମାନେ ଜବତ କରିଛନ୍ତି। ଏହି ସମ୍ପର୍କରେ, ବ୍ରହ୍ମପୁର ଭିଜିଲାନ୍ସ ପି.ଏସ୍. ମାମଲା ନଂ. ୧୫/ ତା୧୫/୧୦/୨୦୨୫ରିଖ ପ୍ରକାରେ ୭ ପି.ସି. (ସଂଶୋଧନ) ଆଇନ, ୨୦୧୮ ଧାରା ୭ ଅନୁଯାୟୀ ପଞ୍ଜିକୃତ ହୋଇଛି।  ଅଭିଯୁକ୍ତ ଏଏଫଓ ଶ୍ରୀ ବେହେରାଙ୍କ ବିରୁଦ୍ଧରେ ତଦନ୍ତ ଜାରି ରହିଥିବା ବେଳେ ପୋଲସରା ମତ୍ସ୍ୟ ବିଭାଗର କାର୍ଯ୍ୟାଳୟରୁ ନଗଦ ୫୦ହଜାର ଟଙ୍କା ଓ ରହୁଥୁବା ଭଡା ଘରୁ ୧ଲକ୍ଷ ଟଙ୍କା ଏହିପରି ମୋଟ ୧ ଲକ୍ଷ ୫୦ ହଜାର ଟଙ୍କା ଜବତ କରିଛନ୍ତି। ଏଥି ସହିତ ନିଜ ପୈତୃକ ଗ୍ରାମ ବରକୁଳରେ ଚଢ଼ାଉ ଚାଲିଥିବା ସୂଚନା ମିଳିଛି। ଭିଜିଲାନ୍ସ ବିଭାଗର ଡ଼ିଏସପି ବୈଦେହୀ ବେହେରା, ଆଇଆଇସି ସୌମ୍ୟ ପଣ୍ଡା ଓ ଶରତ ପାତ୍ର, ଏଏସଆଇ ସଂଜୀବ ରେଡି ଓ ଦୁର୍ଗାପ୍ରସାଦ ହୋତା ଏହି ଚଢ଼ାଉରେ ସାମିଲ ଥିଲେ।