ଛାତ୍ର ବିଜେଡ଼ି ପକ୍ଷରୁ ଶୋଭାଯାତ୍ରା

ଦିଗପହଣ୍ଡି,(ଅଳକ ନାଥ ମିଶ୍ର) ରାଜ୍ୟରେ ବିପର୍ଯ୍ୟସ୍ତ ଆଇନଶୃଙ୍ଖଳା  ଯୋଗୁଁ ଦିନକୁ ଦିନ ନାରୀ ନିର୍ଯାତନା , ଗଣଦୁଷ୍କର୍ମ ଏବଂ କଲେଜ କ୍ୟାମ୍ପସ ମାନଙ୍କରେ ନିରୀହ ଛାତ୍ରୀଙ୍କ ଉପରେ ହେଉଥିବା ଅତ୍ୟାଚାର ପ୍ରତିବାଦରେ ବୁଧବାର ଦିଗପହଣ୍ଡି ନିର୍ବାଚନ ମଣ୍ଡଳୀ ବିଜୁ ଛାତ୍ର ଜନତା ଦଳ ପକ୍ଷରୁ ପ୍ରତିବାଦ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଛାତ୍ର ବିଜେଡ଼ି ଗଞ୍ଜାମ ଜିଲା ସଭାପତି ପ୍ରଶାନ୍ତ କୁମାର ପଣ୍ଡାଙ୍କ ନେତୃତ୍ୱରେ ଜିଲା ଉପସଭାପତି ଗଣେଶ ରେଡ୍ଡୀ , ରାଜ୍ୟ ସମ୍ପାଦକ ସୁନୀଲ ମହାଙ୍କୁଡ , ଜିଲା ସାଧାରଣ ସମ୍ପାଦକ ପିଙ୍କୁ ଘଡେଇ , ଜିଲା ଯୁବ ବିଜେଡି ସାଧାରଣ ସମ୍ପାଦକ ତଥା କାଉନସିଲର ନୀଳମାଧବ ଗୈାଡ ,  ଛାତ୍ର ବିଜେଡ଼ି ବ୍ଲକ ସଭାପତି ବିପ୍ଳବ ମିଶ୍ର , ନଗର ବିଜେଡ଼ି ସଭାପତି ତାରାପ୍ରସାଦ ପଟ୍ଟନାୟକ , କର୍ମକର୍ତ୍ତା ସୁଶୀଲ ବିଷୋୟୀ , ପୂର୍ବତନ କାଉନସିଲର ନିରୁପମା ପଟ୍ଟନାୟକ , ଶିବଲକ୍ଷ୍ମୀ ପଟ୍ଟନାୟକ , ସୁନୀଲ ବିଷୋୟୀ , ଜଗନ୍ନାଥ ପ୍ରଧାନ , ହରିଶ୍ଚନ୍ଦ୍ର ପାତ୍ର , ସମୀର ସ୍ବାଇଁ , ନିଗମ ପଣ୍ଡା , କୃଷ୍ଣଚନ୍ଦ୍ର ସେଠୀ , ରାମେଶ୍ବର ପାଣିଗ୍ରାହୀ ଙ୍କ ସମେତ ବହୁ ସଂଖ୍ୟକ ଛାତ୍ର  ସ୍ଥାନୀୟ ନୂଆ ବସଷ୍ଟାଣ୍ଡ ସ୍ଥିତ ବିଜେଡ଼ି କାର୍ଯ୍ୟାଳୟରୁ ଶୋଭାଯାତ୍ରାରେ ବାହାରି ଦିଗପହଣ୍ଡି  ଥାନାରେ ପହଞ୍ଚିଥିଲେ ।  ରାଜ୍ୟରେ ମହିଳା ଓ ଛାତ୍ରୀମାନେ ଅସୁରକ୍ଷିତ ରହିଥିବା ବେଳେ ସରକାର କିଭଳି ନିରବଦ୍ରଷ୍ଟା ସାଜିଥିବା ସହ ଅପରାଧୀଙ୍କ ଉପରେ ତ୍ୱରିତ କାର୍ଯ୍ୟାନୁଷ୍ଠାନ ନିଆଯାଉନଥିବା ପ୍ରତିବାଦରେ ବିକ୍ଷୋଭ ପ୍ରଦର୍ଶନ ସହ ଶ୍ଳୋଗାନ ଦେଇଥିଲେ । ଶେଷରେ ଛାତ୍ର ବିଜେଡ଼ି ତରଫରୁ ରାଜ୍ୟ ପୋଲିସ ଡ଼ିଜିଙ୍କ ଉଦ୍ଦେଶ୍ୟରେ ଦିଗପହଣ୍ଡି ଥାନା ଆଇଆଇସି ତଥା ଡିଏସପି ପ୍ରଶାନ୍ତ କୁମାର ପାତ୍ରଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଥିଲା । ଏହି ଦାବିପତ୍ର ପ୍ରଦାନ ସମୟରେ ସହସ୍ରାଧିକ ଛାତ୍ର ବିଜେଡ଼ି କର୍ମୀ ଉପସ୍ଥିତ  ଥିଲେ ।