ବିଶ୍ୱହିନ୍ଦୁ ପରିଷଦ, ବଜରଙ୍ଗ ଦଳର ବୈଠକରେ କର୍ମକର୍ତ୍ତା ଚୟନ
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ଶିଶୁ ମନ୍ଦିର ପରିସରରେ ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗ ଦଳର ୪ର୍ଥ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଭଦ୍ରକ ଜିଲା ବିଶ୍ୱ ହିନ୍ଦୁ ପରିଷଦର ସମ୍ପାଦକ ବସନ୍ତ କୁମାର ରାଉତ, ସହ ସମ୍ପାଦକ ଆଲୋକ କୁମାର ପଣ୍ଡା ଏବଂ ବଜରଙ୍ଗ ଦଳର ପ୍ରାନ୍ତ ମିଳନ ପ୍ରମୂଖ ବିପିନ ବିହାରୀ ପଣ୍ଡା ଯୋଗ ଦେଇଥିଲେ । ବୈଠକରେ ବନ୍ତ ଅଞ୍ଚଳରୁ ଶତାଧିକ ଯୁବକ ଯୋଗ ଦେଇଥିଲେ । ଏହି ଅବସରରେ ସଙ୍ଗଠନର ବିଚାରଧାରା, ସେବା, ସୁରକ୍ଷା ଓ ସଂସ୍କାର କାର୍ଯ୍ୟକ୍ରମକୁ ସଠିକ୍ ଭାବରେ ପରିଚାଳନା ପାଇଁ କର୍ମକର୍ତ୍ତା ଚୟନ କରାଯାଇଥିଲା । ବିଶ୍ୱ ହିନ୍ଦୁ ପରିଷଦ ବନ୍ତ ପ୍ରଖଣ୍ଡର ସଭାପତି ଭାବେ ଫାଲ୍ଗୁନି ରାଉତ, ସମ୍ପାଦକ ଭାବେ ସୁବାଷ ଚନ୍ଦ୍ର ସ୍ୱାଇଁ, ଉପ ସଭାପତି ଭାବେ ଅଶୋକ କୁମାର ବେହେରା, ସତ୍ସଙ୍ଗ ପ୍ରମୁଖ ଭାବେ ହେମନ୍ତ କୁମାର ସାହୁଙ୍କୁ ଚୟନ କରାଯାଇଥିଲା । ସେହିପରି ବଜରଙ୍ଗ ଦଳ ବନ୍ତ ପ୍ରଖଣ୍ଡର ପ୍ରମୁଖ ଭାବେ ସୁରଜ ଶେଖର ଗୋସ୍ୱାମୀ, ସହ ପ୍ରମୁଖ ମାନସ କୁମାର ଜେନା, ଶିଶିର କୁମାର ଜେନା, ସୁରକ୍ଷା ପ୍ରମୁଖ ବିବେକାନନ୍ଦ ଜେନା, ବିଦ୍ୟାର୍ଥୀ ପ୍ରମୁଖ ଜୟଦେବ ମହାରାଜ, ଗୋରକ୍ଷା ପ୍ରମୁଖ କ୍ଷୀରୋଦ କୁମାର ନାୟକ, ବଳ ଉପାସନା ପ୍ରମୁଖ ଶ୍ରୀକାନ୍ତ କୁମାର ଦାସଙ୍କୁ ସର୍ବସମ୍ମତ କ୍ରମେ ଚୟନ କରାଯାଇଥିଲା ।


