ଆଖିପିଛୁଳାକେ ଟଙ୍କା ବ୍ୟାଗ ଉଠାଇ ନେଲା ଦୁର୍ବୁତ

ହାଟଡିହି, (ବିକାଶ ବିଶ୍ୱାଳ):ଆଖିପିଛୁଳାକେ ବାଇକରେ ଟଙ୍ଗା ଯାଇଥିବା ଟଙ୍କା ବ୍ୟାଗ ଉଠାଇ ନେଇ ଫେରାର ହୋଇଗଲା ଦୁର୍ବୁତ । ଏପରି ଘଟଣା ଦେଖିବାକୁ ମିଳିଛି ନନ୍ଦିପଦା ଥାନା ଅଧିନସ୍ଥ ଛେନାପଦି ଛକରେ । ଆଜି ଅପରାହ୍ନ ୩ଟା ବେଳେ ଭଦ୍ରକ ଅଞ୍ଚଳର ଜଣେ ମେଡିସିନି ରିପ୍ରେଜେଣ୍ଟିଟିଭ ବିଭିନ୍ନ ଔଷଧ ଦୋକାନରୁ ବକେୟା ଆଦାୟ କରି ବ୍ୟାଗ ଭିତରେ ରଖିଥିଲେ। ବ୍ୟାଗଟିକୁ ଅନ୍ୟ ଏକ ବ୍ୟାଗ ଭିତରେ ପୁରାଇ ବାଇକ ହେଣ୍ଡଲରେ ଟାଙ୍ଗି ଥିଲେ। ସେ ବାଇକ ଧରି ଆସି ଏକ ପାନ ଦୋକାନ ସମ୍ମୁଖରେ ରଖି ପାନ ଆଣିବାକୁ ଯିବା ଭିତରେ ତାଙ୍କ ବ୍ୟାଗ ଭିତରୁ କେବଳ ୧୨ହଜାର ଟଙ୍କା ଥିବା ବ୍ୟାଗଟିକୁ ନେଇ କେହି ଚ଼ମ୍ପଟ ମାରିଥିଲା। ମେଡିସିନି ରିପ୍ରେଜେଣ୍ଟିଟିଭ ଜଣକ ଏବାବଦରେ ସାମାନ୍ୟତମ ସୁରାକ ମଧ୍ୟ ପାଇପାରି ନଥିଲେ। ସେ ଅନ୍ୟ ବଜାରକୁ ଯାଇ ବ୍ୟାଗ ଖୋଲିବାରୁ ଟଙ୍କା ବ୍ୟାଗ ନଥିବା ଜାଣିପାରି ଲୁଟର ଶୀକାର ହୋଇଥିବା ଜାଣିପାରି ଛେନାପଦିର ସେହି ପାନ ଦୋକାନ ପାଖକୁ ଆସି ସି.ସି.ଟି.ଭି ଦେଖିବା ପରେ ଜଣେ ହାପପ୍ୟାଣ୍ଟ ପିନ୍ଧିଥିବା ନାବାଳକ ଟଙ୍କା ବ୍ୟାଗ ନେଇଯାଇଥିବା ଜାଣିବାକୁ ପାଇଥିଲେ। ପୁର୍ବରୁ ସେ ତାକୁ ପିଛା କରି ଆସିଥିବା ବେଳେ ବାଇକ ରଖି ଯିବାର ସୁଯୋଗରେ ଲୁଟ କରିଥିବା ଅନୁମାନ କରାଯାଉଛି।