ଓରାଳିରେ ଆମ ପୁଲିସ ସମିତି ବୈଠକ ମାଧ୍ୟମରେ ସଚେତନତା କାର୍ଯ୍ୟକ୍ରମ

ହାଟଡିହି, (ବିକାଶ ବିଶ୍ୱାଳ):ଓରାଳି ଜି.ସି ଗାର୍ଲ୍ସ ହାଇସ୍କୁଲ ପରିସରରେ ନନ୍ଦିପଦା ଥାନା ଆମ ପୁଲିସ ସମିତି ସଚେତନତା ବୈଠକ ଅନୁଷ୍ଠିତ ହୋଇ ଯାଇଛି। ପ୍ରଧାନଶିକ୍ଷକ ଅନିଲ କୁମାର ସିଂ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ନନ୍ଦିପଦା ଥାନା ଆଇ ଆଇ ସି ରବିନ୍ଦ୍ର ପାତ୍ର, ଏସ୍ ଆଇ ଅନୁପ କୁମାର କର, ଏ ଏସ ଆଇ ସୁଷମା ସେଠୀ , ଆମ ପୁଲିସ୍ ସଦସ୍ୟ ସୁଧାଂଶୁ ଦକ୍ଷିଣ ରାୟ, କିଶୋର ଆଚାର୍ଯ୍ୟ, କୃଷ୍ଣ ଚନ୍ଦ୍ର ଜେନା, ବିରେନ୍ଦ୍ର କୁମାର ବିଶ୍ବାଳ, ଦୁଃଶାସନ ସାହୁ, ବାଳକୃଷ୍ଣ ନାୟକ ପ୍ରମୁଖ ଯୋଗଦେଇ ପୁଲିସ ଓ ସାଧାରଣ ଲୋକଙ୍କ ମଧ୍ୟରେ ସମ୍ପର୍କ ଦୃଢ଼ ହେବା ଉଚିତ ବୋଲି ମତବ୍ୟକ୍ତ କରିଥଲେ। ବିଶେଷକରି ମୋବାଇଲର ଅପ ବ୍ୟବହାର ଦ୍ଵାରା ଆଜିର ଯୁବପିଢି ଓ ସମାଜ କିପରି ବିପଥଗାମୀ ହେଉଛି ତାହା ଉପରେ ସମସ୍ତେ ସମୀକ୍ଷା କରିବା ଉଚିତ ବୋଲି ମତବ୍ୟକ୍ତ କରିଥିଲେ। ଗତ ଜୁଲାଇ ମାସରୁ ନୂଆକରି ଲାଗୁ କରାଯାଇଥିବା ଭାରତୀୟ ନ୍ୟାୟ ସଂହିତା, ନାଗରିକ ସଂହିତା ଓ ଭାରତୀୟ ସାକ୍ଷ୍ୟ ବିଧାନ ଉପରେ ଉପସ୍ଥିତ ଲୋକ ମାନଙ୍କୁ ସଚେତନ କରାଯାଇଥିଲା। ଆଇନ କୁ ହାତକୁ ନନେଇ ଆଇନ କୁ ସହଯୋଗ କରିବା ପାଇଁ ସଚେତନ କରାଯାଇଥିଲା। ଏହି କାର୍ଯ୍ୟକ୍ରମରେ ଓରାଳି ଗ୍ରାମର ମହିଳା ସ୍ୱୟଂ ସହାୟକ ଗୋଷ୍ଠୀର ଶତାଧିକ ସଦସ୍ୟା ଯୋଗଦେଇଥିଲେ।