ଚାରିଟେବୁଲ ଟ୍ରଷ୍ଟ ଉପଦେଷ୍ଟାଙ୍କ ବାର୍ଷିକ ବୈଠକ

ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ସାମାଜିକ ଅନୁଷ୍ଠାନ ଉତ୍କଳ ବୁଲେଟିନ ଚାରିଟେବୁଲ ଟ୍ରଷ୍ଟର ଉପଦେଷ୍ଟାମାନଙ୍କ ବାର୍ଷିକ ବୈଠକ ସ୍ଥାନୀୟ ଅନ୍ଧାରୁଆ ନିକଟ ପାଦପଦ୍ମ ପାହାଡ଼ଠାରେ ଅନୁଷ୍ଠିତ ହୋଇଯାଇଛି । ସମ୍ପାଦକ ଅରବିନ୍ଦ ତ୍ରିପାଠୀଙ୍କ ସଭାପତିତ୍ୱରେ ଅନୁଷ୍ଠିତ ଉକ୍ତ ବୈଠକରେ ସାମାଜିକ କାର୍ଯ୍ୟକ୍ରମ ଜାରି ରଖିବା, ପୂଜ୍ୟପୂଜାଙ୍କୁ ପ୍ରାଧାନ୍ୟ ଦେବା, ରକ୍ତଦାନ, ବୃକ୍ଷରୋପଣ ସହିତ ଅନ୍ୟାନ୍ୟ ସାମାଜିକ କାର୍ଯ୍ୟକ୍ରମକୁ ଆଗେଇ ନେବା ସହ ବ୍ୟାପକ ଭାବେ କରିବାକୁ ମତବ୍ୟକ୍ତ କରାଯାଇଥିଲା । ବୈଠକରେ ସମାଜସେବୀ ନାରାୟଣ ଖୁଣ୍ଟିଆ, ପଦ୍ମଚରଣ ବେହେରା, ଉପଦେଷ୍ଟା ମଦନ ମୋହନ ପାଢୀ, ସାମ୍ବାଦିକ ରୀନା ମହାନ୍ତି ପ୍ରମୁଖ ଉପସ୍ଥିତ ଥିଲେ । ଧନ୍ୟବାଦ ଅର୍ପଣ କରିଥିଲେ ସୁକାନ୍ତି ପଣ୍ଡା ।