ଟୁରିଷ୍ଟ ବସ୍ ଦୁର୍ଘଟଣାଗ୍ରସ୍ତ, ୩ ଗୁରୁତର

ପୁରୁଷୋତ୍ତମପୁରୁ, (ରମେଶ ଚନ୍ଦ୍ର ଗୌଡ଼):ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ବାଲିଆ ଛକ ବାଟମଙ୍ଗଳା ନାଳ ନିକଟରେ ଭାରସାମ୍ୟ ହରାଇ ରାସ୍ତା କଡ଼କୁ ଭଦ୍ରକରୁ ଆସିଥିବା ଟୁରିଷ୍ଟ ବସ ଓଲଟିପଡିଛି । ଦୁର୍ଘଟଣାରେ ବସରେ ଥିବା ଅନେକ ଯାତ୍ରୀ ଆହାତ ହୋଇଥିବାବେଳେ ୩ ଜଣ ଗୁରୁତର ହୋଇଛନ୍ତି । ଆହାତକ ମାନେ ହେଲେ ଉଦୟ ନାଥ ସାହୁ, କୁବେର କୁମାର ସାହୁ, ମଧୁସ୍ମିତା ସାହୁ, ଭକ୍ତ ଚନ୍ଦନ ବିଶ୍ୱାଳ( ୨୨), ଦୀପ ବେହେରା( ୧୮), ସନ୍ତୋଷ କୁମାର ବେହେରା (୨୪), ବାଦଲ ମାହାଲିକ( ୧୬), ଦମୟନ୍ତୀ ନାୟକ, ଚିନ୍ମୟୀ ବେହେରା,ସପ୍ନାବତୀ ମହାଲିକା।ଭଦ୍ରକ ଜିଲ୍ଲା ଅନ୍ନପାଳ ଉତ୍କଳ କମ୍ପୁଟର ଇଷ୍ଟିଟ୍ୟୁଟରୁ ଟୁରିଷ୍ଟରେ ପ୍ରାୟ ୪୫ ଜଣ ଛାତ୍ରଛାତ୍ରୀ ଗତକାଲି ରାତି ୧୦ଟାରେ ମହାଲକ୍ଷ୍ମୀ ବସ୍( ଓଡି ୨୨ ଏଚ୍ ୫୮୧୫) ଯୋଗେ ବାହାରି ସକାଳେ ତାରାତାରିଣୀ ପୀଠ ଦର୍ଶନ କରିବା ପରେ  ନାରାୟଣୀ ଯାଉଥିବା ବେଳେ ଅପରାହ୍ନରେ ବସ ଟି ଓଲଟିପଡିଥିଲା । ଦୁର୍ଘଟଣା ସ୍ଥଳରେ ଅଗ୍ମିଶମ, ପୋଲିସ , ପ୍ରଶାସନ, କମାନଳିନାକ୍ଷପୁର ସରପଞ୍ଚ ରାଜଲକ୍ଷ୍ମୀ ବେହେରା, ସମିତି ସଭ୍ୟା ଶାରଳା ବେହେରା ଓ ସ୍ଥାନୀୟ ଲୋକଙ୍କ ସହାୟତାରେ ଆହାତ ମାନଙ୍କୁ ଆମ୍ୱୁଲାନସ ରେ ପୁରୁଷୋତ୍ତମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଚିକିତ୍ସା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଥିଲା। ପୁରୁଷୋତ୍ତମପୁର ସ୍ୱାସ୍ଥ୍ଯ କେନ୍ଦ୍ରରେ ଆଶୁ ଚିକିତ୍ସା ପରେ ସମସ୍ତେ ସୁସ୍ଥ ଥିବାବେଳେ  ୩ଜଣ ଗୁରୁତର ଙ୍କୁ ବ୍ରହ୍ମପୁର ବଡ ମେଡିକାଲ ସ୍ଥାନାନ୍ତରିତ କରାଯାଇଥିଲା ।ଘଟଣାସ୍ଥଳରେ ପୁରୁଷୋତ୍ତମପୁର ଏସଡିପିଓ ରଜନୀ କାନ୍ତ ସାମଲ, ଥାନା ଅଧିକାରୀ ସମିର କୁମାର ରାଉତ ପହଞ୍ଚି ଘଟଣାର ତଦନ୍ତ କରୁଛନ୍ତି ।