ତରତରା-ବଞ୍ଚୋ ରାସ୍ତାରେ ବଜ୍ରାଘାତରେ ମୃତ୍ୟୁ

ହାଟଡିହି, (ବିକାଶ ବିଶ୍ୱାଳ):ଆନନ୍ଦପୁର ଥାନା ଅଧିନସ୍ଥ ତରତରା-ବଞ୍ଚୋ ରାସ୍ତାରେ ବଜ୍ରାଘାତରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଆଜି ଦିନ ୩ଟା ବେଳେ ବର୍ଷା ସହିତ ବଜ୍ରପାତ ଘଟିଥିଲା।ଏହାର କିଛି ସମୟ ପରେ ସେହି ରାସ୍ତାଦେଇ ଯାଉଥିବା କିଛି ବାଟୋଇ ଜଣେ ବ୍ୟକ୍ତି ମୃତ ଅବସ୍ଥାରେ ପଡ଼ିଥିବା ଦେଖିବା ପରେ ଶହଶହ ଲୋକଙ୍କ ଭିଡ଼ ଜମିଛି। ମୃତ ବ୍ୟକ୍ତି ଜଣକ ଶିନୀରାୟଣପୁର ଗ୍ରାମର ସନାତନ ଜେନା(୬୦) ବୋଲି ଜଣାପଡିଛି। ସନାତନ ଫକିରପୁର ଡାକ୍ତର ଖାନାକୁ ଯାଇ ଡାକ୍ତରଖାନାରୁ ସାଇକେଲ ଯୋଗେ ଘରକୁ ଫେରିବା ବାଟରେ ଏପରି ଅଘଟଣ ଘଟିଛି। ଖବର ପାଇ ପରିବାର ଲୋକେ ଘଟଣା ସ୍ଥଳରେ ପହଞ୍ଚି ପୁଲିସକୁ ଜଣାଇବା ପରେ ଆନନ୍ଦପୁର ପୁଲିସ ପହଞ୍ଚି ମୃତଦେହକୁ ଜବଦ କରି ବ୍ୟବଛେଦ ପାଇଁ ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ପଠାଇ ତଦନ୍ତ କରୁଛନ୍ତି l ପାରିପାର୍ଶ୍ୱିକ ପରିସ୍ଥିତି କୁ ଲକ୍ଷକରି ବଜ୍ରପାତରେ ତାଙ୍କର ମୃତ୍ୟୁ ଘଟିଥିବା ଲୋକେ ସନ୍ଦେହ କରୁଛନ୍ତି।