ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟଣା ଅଟୋ ଚାଳକ ଗିରଫ

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ବ୍ଲକ ବି. ତୁରୁବୁଡ଼ିି ପଞ୍ଚାୟତ କାଣ୍ଡେଶ୍ୱର ଗାଁ ଛକରେ ଶନିବାର ସକାଳେ ଏକ ଯାତ୍ରୀବାହୀ ଅଟୋ ଏସ. ସିମାଞ୍ଚଳ ରେଡ୍ଡୀଙ୍କ ବାଇକକୁ ଧକ୍କା ଦେଇଥିଲା। ଦୁର୍ଘଟଣାରେ କାଣ୍ଡେଶ୍ୱର ଗାଁର  ସିମାଞ୍ଚଳ  ଏବଂ କୁନ୍ତି ଗୌଡ଼ ମୃତ୍ୟୁବରଣ କରିଥିଲେ। ବଡ଼ଡୁମ୍ବୁଳା ଗ୍ରାମ ସ୍ଥିତ ମା ବାଙ୍କେଶ୍ଵରୀଙ୍କ ଦର୍ଶନ ସାରି ଯାତ୍ରୀବାହୀ ଅଟୋରେ କିଛି ଶ୍ରଦ୍ଧାଳୁ ଫେରୁଥିବା ବେଳେ  ସିମାଞ୍ଚଳ ଓ ତାଙ୍କ ଗାଁର କୁନ୍ତିି ବାଇକ ଯୋଗେ ଗାଁକୁ ଆସୁଥିବା ବେଳେ ଦୃତଗତିରେ ଆସୁଥିବା ଅଟୋଟି ବାଇକକୁ ଧକ୍କା ଦେଇଥିଲା। ଏନେଇ ମୃତ ସିମାଞ୍ଚଳଙ୍କ ସ୍ତ୍ରୀ ଏସ. ଅନୁସୂୟା ରେଡ୍ଡୀଙ୍କ ଏତଲା କ୍ରମେ ପୋଲିସ ଥାନା ମାମଲା ନଂ.୪୨୬/୨୪ ଅନୁଯାୟୀ ଜକରାପଲ୍ଲୀ ଗ୍ରାମର ଅଟୋ ଚାଳକ ଦେବହରି ଗୌଡ଼ ଙ୍କୁ ତଦନ୍ତ କାରୀ  ଅଧିକାରୀ ଏଏସଆଇ ନିଗମ ଚନ୍ଦ୍ର ପ୍ରଧାନ ରବିବାର ଗିରଫ କରି କୋର୍ଟ ଚାଲାଣ କରିଛନ୍ତି।