ବ୍ଲକ କାର୍ଯ୍ୟାଳୟରେ ଆଧାର ପଞ୍ଜିକରଣ ଓ ସଂଶୋଧନ କେନ୍ଦ୍ର କେଉଁଠି, ଖୋଜି ପାଉନାହାନ୍ତି ଲୋକେ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ କାର୍ଯ୍ୟାଳୟରେ ଆଧାର ପଞ୍ଜିକରଣ ଓ ସଂଶୋଧନ କେନ୍ଦ୍ର କେଉଁଠି ଅଛି ତାହାକୁ ଖୋଜି ପାଉନାହାନ୍ତି ଲୋକମାନେ। ଲୋକମାନେ ଅନେକ ଆଶା ଭରଷା ନେଇ ବ୍ଲକ କାର୍ଯ୍ୟାଳୟକୁ ଆଧାର ପଞ୍ଜିକରଣ ଓ ସଂଶୋଧନ ପାଇଁ ଆସୁଥିବା ବେଳେ ଏହି କେନ୍ଦ୍ର ଖୋଜି ଖୋଜି ନ ପାଇ ନିରାଶରେ ଫେରିବାକୁ ବାଧ୍ୟ ହେଉଛନ୍ତି। ଏନେଇ ବାରମ୍ବାର ଅଭିଯୋଗ ହେଉଥିଲେ ମଧ୍ୟ ପ୍ରଶାସନ ଏନେଇ କୌଣସି ପଦକ୍ଷେପ ନେଉନଥିବା ଭଗବାନ ସାହୁ, କାଶିନାଥ ନାୟକ, ରାଜେନ୍ଦ୍ର ଜେନା ପ୍ରମୁଖ ଅଭିଯୋଗ କରିଛନ୍ତି। ଏ ସମ୍ପର୍କରେ ବିଡିଓ ସୌମ୍ୟଶ୍ରୀ ପାଣିଗ୍ରାହୀଙ୍କୁ ପଚାରିବାରେ ସେ କହିଛନ୍ତି ଯେ ବ୍ଲକରେ ଆଧାର ପଞ୍ଜିକରଣ ଓ ସଂଶୋଧନ ପାଇଁ ୫ଟି ସ୍ୱତନ୍ତ୍ର ଶିବିର ଖୋଲାଯାଇଛି। ୨୫ଟି ପଞ୍ଚାୟତ ପାଇଁ ୪ଟି ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଶିବିର ଖୋଲା ଯାଇଥିବା ବେଳେ ପଞ୍ଚାୟତ ସମିତ୍ତି କାର୍ଯ୍ୟାଳୟ ପରିସରରେ ଏହି କାର୍ଯ୍ୟ ସମ୍ପାଦାନ ପାଇଁ ସୁକୁମାର ପଳତାଙ୍କୁ ଦାୟିତ୍ୱ ଦିଆଯାଇଛି ବୋଲି କହିଛନ୍ତି I କିନ୍ତୁ କାର୍ଯ୍ୟାଳୟ ପରିସରରେ ଶିବିର ଚାଲୁଛି କି ନାହିଁ ସେ ବୁଝିକି କହିବେ ବୋଲି କହିଛନ୍ତି। ବ୍ଲକ କର୍ତ୍ତୁପକ୍ଷ ତୁରନ୍ତ ଏ ନେଇ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି।