୧୩ ଶହ କିଲୋ ଲୁହାଛଡ ଚୋରି ଅଭିଯୋଗ

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି ବ୍ଲକ  ଆଙ୍କୋରଡ଼ା ଗ୍ରାମ ଛକ ମୁଖ୍ୟରାସ୍ତା ର ଦିଓ୍ବାନ ବଙ୍ଗଳା ନିକଟରୁ ଗୁରୁବାର ରାତିରେ ପ୍ରାୟ ୧୩୦୦ କେଜି ଓଜନର ଲୁହାଛଡ ଚୋରି ହୋଇଥିବା ଅଭିଯୋଗ ହୋଇଛି ।ଆଙ୍କୋରଡା ଦିଓ୍ବାନ ବଙ୍ଗଳା ନିବାସୀ ରାଜେଶ ସେଠୀ ଗୁରୁବାର ସକାଳେ  ଲୁହାଛଡ କିଣି ଶୁକ୍ରବାର ଘରର ଛାତ ଢ଼ଳେଇ ପାଇଁ ନିର୍ମାଣାଧୀନ ଘର ନିକଟରେ ରଖିଥିବା ବେଳେ ରାତିରେ ଦୁର୍ବୃତ୍ତ ମାନେ ତାହାକୁ ଚୋରାଇ ନେଇଥିବା ନେଇ ସେ ଦିଗପହଣ୍ଡି ଥାନାରେ ଏତଲା ଦେଇଛନ୍ତି। ଏତଲା ପ୍ରକାରେ ପୋଲିସ ଚୋରି ଘଟଣାର ତଦନ୍ତ ଆରମ୍ଭ କରିଥିବା ଜଣାପଡିଛି। ଦୁର୍ବୃତ୍ତ ମାନେ ଚୋରାଇ ନେଇଥିବା ଲୁହାଛଡର ବଜାର ମୂଲ୍ୟ ପ୍ରାୟ ୯୦ ହଜାର ଟଙ୍କା ହେବ ବୋଲି ରାଜେଶ ପୋଲିସକୁ କହିଛନ୍ତି।