ଅଜାଘର ପାଇଖାନା ଖାତରେ ପଡି ନାତୁଣୀ ମୃତ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ):ମୟୂରଭଂଜ ଜିଲ୍ଲା ରାଇରଙ୍ଗପୁର ଆଦର୍ଶ ଥାନା ଅନ୍ତର୍ଗତ ପୁରୁଣାପାଣି ପଞ୍ଚାୟତର ପୋଖରୀଆ ଗ୍ରାମରେ ପୂର୍ବତନ ସରପଞ୍ଚ ଠାକୁର ଟୁଡୁଙ୍କ ନାତୁଣି ୩ ବର୍ଷୀୟା ଲିପ୍ସିତା ମୁର୍ମୁ ତାଙ୍କର ନୁତନ ପାଇଖାନା ନିର୍ମାଣ ପାଇଁ ହୋଇଥିବା ଖାଲରେ ପଡି ମୃତ୍ୟୁ ହୋଇଥିବା ଅଭିଯୋଗ ହୋଇଛି ।ସୂଚନା ଯୋଗ୍ୟ ଲିପ୍ସିତା ମୁର୍ମୁଙ୍କର ବାପା ପାନ ମୁର୍ମୁଙ୍କ ଗାଁ -ଦାଣ୍ଡବୋଷ ୧୦-୮-୨୦୧୮ ରେ ଦେହାନ୍ତ ହୋଇଯାଇଛି ।ମାତା ସରସ୍ବତୀ ମୁର୍ମୁ ଦୁଇଟି ଝିଅଙ୍କୁ ଧରି ବାପ ଘରେ ପୂର୍ବତନ ସରପଞ୍ଚ ଠାକୁର ଟୁଡୁଙ୍କ ଘରେ ୬,୩ ବର୍ଷର ଦୁଇ ଝିଅଙ୍କୁ ଧରି ରହୁଥିଲେ ।ସୋମବାର ଅପରାହ୍ନରେ ଖେଳୁ ଖେଳୁ ସମସ୍ତଙ୍କ ଅଜାଣତରେ ପାଇଖାନା ନିର୍ମାଣ ପାଇଁ ହୋଇଥିବା ବର୍ଷା ପାଣିରେ ଭର୍ତ୍ତି ହୋଇଥିବା ଖାଲରେ ପଡି ବୁଡି ଯାଇଥିଲା ।ପରେ ବହୁ ଖୋଜାଖୋଜି ପରେ ପାଇଖାନା ଖାଲରୁ ଶିଶୁକୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ଆଣିଥିଲେ ।ଡାକ୍ତର ମୃତ ଘୋଷଣା କରିଥିଲେ । ପୋଲିସ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଛେଦ କରାଇ ପରିବାରବର୍ଗଙ୍କୁ ହସ୍ତାନ୍ତର କରିଛି ।