ଅବକାରୀ ଚଢାଉ, ଚୋରା ମଦ ବେପାରୀ ଗିରଫ

ଛତ୍ରପୁର, : ସାଧାରଣ ନିର୍ବାଚନ ପାଇଁ ଅବକାରୀ ମନିଟରିଂ ଟିମ୍କୁ ଅଧିକ ସକ୍ରିୟ କରାଯାଇଛି । କୁକୁଡାଖଣ୍ଡି ବ୍ଲକର କଂଟିଗଡା ଗ୍ରାମରେ ଏହି ଟିମ୍ ଅବକାରୀ ଚଢାଉ କରିଥିଲେ । ତତ୍ ସହିତ ପାତ୍ରପୁର ଅଞ୍ଚଳରେ ମଧ୍ୟ ଚଢାଉ କରାଯାଇଥିଲା । ସେଠାରୁ ୫୮୦୦ ଲିଟର ମଦରନ୍ଧା ପୋଚ, ୧୨୦ ଲିଟର ଚୋରା ଦେଶୀମଦ ଓ ୯ ଲିଟର ବାହାର ଭାଟି ମଦ ଜବତ କରାଯାଇଥିଲା । ଏହି ମାମଲାରେ ୨ ଜଣ ବ୍ୟକ୍ତିଙ୍କୁ ଗିରଫ କରାଯାଇଛି । ଆସିକା ପୁଲିସ ମଧ୍ୟ ଅନୁରୂପ ଚଢାଉ କରି ୩୨ ଟି ମାକଡୋଲ୍ ବିଦେଶୀ ମଦ ବୋତଲ, ୬ ଲିଟର ବିଦେଶୀ ମଦ, ୨୦ ଟି ବିୟର ବୋତଲ ଜବତ କରିଛନ୍ତି । ଏହି ମାମଲାରେ ମଧ୍ୟ ଆସିକା ପୁଲିସ ଜଣଙ୍କୁ ଗିରଫ କରିଛି ।