ଆନନ୍ଦ ଜୀବନ ସ୍କୁଲର କୁନି କୁନି କାଉଡିଆଙ୍କ ଦ୍ୱାରା ଜଳାଭିଷେକ

ହାଟଡ଼ିହି, : (ସୌମ୍ୟରଞ୍ଜନ ଆଚାର୍ଯ୍ୟ) ହାଟଡିହି ବ୍ଲକ ଛେନାପଦିଛକ ଠାରେ ଥିବା ଆନନ୍ଦ ଜୀବନ ଡିଏଭି ପବ୍ଲିକ ସ୍କୁଲର କୁନି କୁନି ଛାତ୍ରଛାତ୍ରୀ ମାନେ କାଉଡିଆ ସାଜି ଶିବଲିଙ୍ଗରେ ଜଳାଭିଷେକ କରିଛନ୍ତି । ସ୍କୁଲର ୫୦ରୁ ଉର୍ଦ୍ଧ ଛାତ୍ରଛାତ୍ରୀ ନିକଟସ୍ଥ ପୋଖରୀରୁ ଜଳ ଆଣି ଛେନାପଦିଛକ ସ୍ଥିତ ବିଶେଶ୍ୱର ମନ୍ଦିରରେ ପ୍ରଭୁଙ୍କ ଶିବଳିଙ୍ଗରେ ଜଳାଭିଷେକ କରିଥିଲେ । ଏଥିପାଇଁ ଛାତ୍ରଛାତ୍ରୀ ତଥା ସେମାନଙ୍କ ଅଭିଭାବକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା । ଅଧ୍ୟକ୍ଷ ଲକ୍ଷ୍ମୀଧର ଜେନା, ଶିକ୍ଷକ ମୃତ୍ୟୁଞ୍ଜୟ ଅଧିକାରୀ, ଚିତ୍ତରଞ୍ଜନ ପଟ୍ଟନାୟକ, ଶିକ୍ଷୟତ୍ରୀ ମଧୁମିତା ସ୍ୱାଇଁ, ପ୍ରଭାସିନୀ ନାୟକ, ଏିପ୍ସାରାଣୀ ବେହେରା, ମନ୍ଦାକିନୀ ପାଢ଼ି, ଶ୍ରଦ୍ଧାଞ୍ଜଳୀ ପଟ୍ଟନାୟକ, ସୌଦାବିନୀ ଜେନା, ହନିପ୍ରୀୟା ବିଶ୍ୱାଳ, ରାଜେନ୍ଦ୍ର ଜେନା, ବିଜୟ କୁମାର ଜେନା ପ୍ରମୁଖ ଛାତ୍ରଛାତ୍ରୀଙ୍କ ସହ ସାମିଲ ହୋଇଥିଲେ ।