ଇଚ୍ଛାପୁର ବିଦ୍ୟାଳୟରେ ଗୁରୁ ଦିବସ

କେନ୍ଦ୍ରାପଡା, (ଯୁଗାବ୍ଦ ନ୍ୟୁଜ):ପୂର୍ବତନ ରାଷ୍ଟ୍ରପତି ପ୍ରସିଦ୍ଧ ଶିକ୍ଷାବିତ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଜନ୍ମ ଦିବସ ଅବସରରେ କେନ୍ଦ୍ରାପଡା ସହରସ୍ଥ ଇଚ୍ଛାପୁର ବିଦ୍ୟାଳୟରେ ଗୁରୁ ଦିବସ ମହାସମାରୋହରେ ପାଳିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁପ୍ରଭାରାଣୀ ପ୍ରଧାନ, ଶିକ୍ଷୟତ୍ରୀ ପୁଷ୍ପବତୀ କର, ଶିକ୍ଷୟତ୍ରୀ କ୍ଷଣପ୍ରଭା କର ଏବଂ ଛାତ୍ରଛାତ୍ରୀମାନେ ବିଦ୍ୟାଳୟ ପରିସରରେ ଥିବା ରାଧାକ୍ରିଷ୍ଣନଙ୍କ ପ୍ରତିମୃର୍ତ୍ତିରେ ମାଲ୍ୟାର୍ପଣ କରିଥିଲେ । ଛାତ୍ରଛାତ୍ରୀମାନେ ଗୁରୁମାମାନଙ୍କୁ ଫୁଲ ଚନ୍ଦନ ଦେଇ ପୁଜାର୍ଚ୍ଚନା କରିଥିଲେ । ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ପ୍ରଧାନ ଗୁରୁ ଶିଷ୍ୟ ପରମ୍ପରା ଉପରେ ଆଲୋକପାତକରି ଗୁରୁଙ୍କ ପାଇଁ ଶିଷ୍ୟମାନେ ଅନେକ କ୍ଷେତ୍ରରେ ସୁନାମ ଅର୍ଜନ କରିଥିବା ଓ ଗୁରୁ ଶିଷ୍ୟର ସମ୍ପର୍କ କେତେ ନିବିଡ ତାହାର ନିଦର୍ଶନ ଏକଲବ୍ୟଙ୍କ ଗୁରୁ ଦକ୍ଷିଣା ବୋଲି କହିଥିଲେ । ଶ୍ରୀମତୀ କର ବକ୍ତବ୍ୟ ପ୍ରଦାନ କରିଥିବା ବେଳେ ଶ୍ରୀମତୀ ପତି ଧନ୍ୟବାଦ ଅର୍ପଣ କରିଥିଲେ । ଶେଷରେ ବିଦ୍ୟାର୍ଥୀମାନଙ୍କୁ ମିଷ୍ଠାନ ବଣ୍ଟନ କରାଯାଇଥିଲା ।