ଉତ୍କଳମଣି ଗୋପବନ୍ଧୁଙ୍କ ସ୍ମୃତିରେ ରକ୍ତଦାନ ଶିବିର ଅନୁଷ୍ଠିତ

ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀ): ସାନଖେମୁଣ୍ଡି ବ୍ଲକ ଖଲିଙ୍ଗି ଗ୍ରାମ ପଞ୍ଚାୟତରେ ଉତ୍କଳମଣି ସେବା ସଂଘ ଓ ଖଲିଙ୍ଗି ଗ୍ରାମବାସୀଙ୍କ ମିଳିତ ଆନୁକୂଲ୍ୟରେ ଗୋପବନ୍ଧୁ ଦାସଙ୍କ ସ୍ମୃତିରେ ଉଚ ପ୍ରାଥମିକ ବିଦ୍ୟାଳୟ ପରିସର ମଧ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି | ଉତ୍କଳମଣି ସେବା ସଂଘ ସଭାପତି ମିଥୁନ ନାହକଙ୍କ ସଂଯୋଜନାରେ ଆୟୋଜିତ ରକ୍ତଦାନ ଶିବିରରେ ବ୍ରହ୍ମପୁର ନେହୁରୁ ଯୁବ କେନ୍ଦ୍ର ଅକ୍ଷୟ ପାଢ଼ୀ ଯୋଗ ଦେଇ ଉକ୍ତ ଶିବିରର ଉଦ୍ଘାଟନ କରିଥିଲେ | ଖଲିଙ୍ଗି ଗ୍ରାମଅଞ୍ଚଳର ଯୁବପିଢ଼ି ମାନେ ସ୍ବେଛାକୃତ ଭାବରେ ରକ୍ତ ଦାନ କରିଥିଲେ | ରାଜୀବ ଗାନ୍ଧୀ ସେବା ସଂଘର ସଦସ୍ୟ ମାନେ ମଧ୍ୟ ରକ୍ତ ଦାନ କରିଥିଲେ | ତା ସହ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ | ଭଞ୍ଜନଗଡ଼ ରକ୍ତ ଭଣ୍ଡାର ପକ୍ଷରୁ ଡଃ.ମନୋରଞ୍ଜନ ରଥ ସହକର୍ମୀ ମାନଙ୍କ ସହଯୋଗରେ ରକ୍ତ ସଂଗୃହିତ ହୋଇଥିଲା | ଏହି କାର୍ଯ୍ୟକ୍ରମରେ ଉତ୍କଳମଣି ସେବା ସଂଘର ବିଜୟ କୁମାର ବେହେରା, ରାଜେଶ ପ୍ରଧାନ,ସାର୍ଟ କୁମାର ନାହାକ, ଧର୍ମେନ୍ଦ୍ର ସୁଆଁସିଆ, ସୁଶାନ୍ତ ସେଠି,କୃଷ୍ଣ ପ୍ରଧାନଙ୍କ ସହ ପ୍ରମୁକା ଗ୍ରାମବାସୀଙ୍କ ସହଯୋଗରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ଉତ୍କଳମଣି ସେବା ସଂଘ ପକ୍ଷରୁ ଖଲିଙ୍ଗି ଠାରେ ଗୋପବନ୍ଧୁଙ୍କର ପ୍ରତିମୁର୍ତି ଉନ୍ମୋଚନ ହେବାର କାର୍ଯ୍ୟକ୍ରମ ରହିଥିବା ସଂଘ ପକ୍ଷରୁ ସୂଚନା ମିଳିଛି |