ଓଭରଲୋଡିଂ ବାଲି ବୋଝେଇ ହାଇୱା ଟ୍ରକ୍ ଜବତ
ବନ୍ତ, (ଯୁଗାଦ୍ଧ ନ୍ୟୁଜ୍) : ଭଦ୍ରକ-ଆନନ୍ଦପୁର ୫୩ନଂ ରାଜ୍ୟ ରାଜପଥ ତଥା ବନ୍ତ ତହସିଲ ଅଧିନ ଶ୍ରୀବନ୍ତପୁର ଛକ ନିକଟରେ ଏକ ଓଭରଲୋଡିଂ ବାଲି ବୋଝେଇ ହାଇୱା ଟ୍ରକକୁ ତହସିଲ ପକ୍ଷରୁ ଜବତ କରାଯାଇ ଥାନାରେ ଜିମା ଦିଆଯାଇଛି । ରାଜ୍ୟ ରାଜପଥର ଶ୍ରୀବନ୍ତପୁର ଛକ ଠାରେ ବନ୍ତ ତହସିଲ ପକ୍ଷରୁ ଓଡି-୦୧କ୍ୟୁ- ୪୮୦୪ ନମ୍ବର ବିଶିଷ୍ଟ ଓଭରଲୋଡିଂ ବାଲି ବୋଝେଇ ହାଇୱା ଟ୍ରକକୁ ଜବତ କରାଯାଇଥିଲା । ଉକ୍ତ ଟ୍ରକ ପାଖରେ କୌଣସି କାଗଜ ପତ୍ର ନଥିବା ବେଳେ ଜୋରିମାନା ବାବଦ ଅର୍ଥ ପ୍ରଦାନ କରିବାକୁ ଟ୍ରକ୍ ମାଲିକ ରାଜି ହୋଇନଥିଲେ । ଫଳରେ ତହସିଲଦାର ଉକ୍ତ ଟ୍ରକଟିକୁ ଜବତ କରି ଥାନାକୁ ଜିମା ଦେଇଥିଲେ । ତହସିଲଦାର ଇନ୍ଦିରା ସାହୁଙ୍କ ଅଭିଯୋଗ କ୍ରମେ ଥାନାରେ କେସ ନଂ-୩୦/୨୦ଅନୁଯାଇ ମାମଲା ରୁଜ୍ଜୁ କରାଯାଇଛି ।
