କରୋନା କବଳରେ ୨୫ ସାମ୍ବାଦିକ
ୱାଇଏନ୍ଏସ୍:ସମଗ୍ର ବିଶ୍ୱରେ କରୋନା ତାର କାୟା ବିସ୍ତାର କରିଚାଲିଥିବା ବେଳେ ଭାରତରେ ମଧ୍ୟ ଏହା ଦିନକୁ ଦିନ ଉଗ୍ର ରୂପ ଧାରଣ କରିଚାଲିଛି । ଭାରତରେ କରୋନା ଯୋଗୁ ଁ ସବୁ ଠପ୍ ହୋଇପଡିଥିବା ବେଳେ , ଦେଶର ଚତୁର୍ଥସ୍ତମ୍ଭ ବୋଲାଉ ଥିବା ଗଣମାଧ୍ୟମ ଉପରେ ଏହାର ପ୍ରଭାବ ବିସ୍ତାର କରିଛି । ମୁମ୍ବାଇ ପରେ ଚେନ୍ନାଇର ଏକ ନ୍ୟୁଜ ଚ୍ୟାନେଲରେ କାର୍ଯ୍ୟରତ ୨୫ ଜଣ କର୍ମଚାରୀଙ୍କୁ କରୋନା ସଂକ୍ରମଣ ହୋଇଥିବା ରାଜ୍ୟ ସରକାରଙ୍କ ତରଫରୁ ସୂଚନା ଦିଆଯାଇଛି । ଏହି ୨୫ ଜଣ କରୋନା ପଜିଟିଭ ମଧ୍ୟରେ କେତେକ ପତ୍ରକାର ଓ କ୍ୟାମେରାମ୍ୟାନ୍ ଥିବା ଜଣାପଡିଛି । ତେବେ ଏହି ଚ୍ୟାନେଲ୍ରେ କାର୍ଯ୍ୟରତ ପ୍ରାୟ ୯୪ ଜଣ କର୍ମଚାରୀଙ୍କ କରୋନା ଟେଷ୍ଟ କରାଯାଇଥିବା ବେଳେ ସେଥିରୁ ୨୫ ଜଣ କର୍ମଚାରୀଙ୍କ କରୋନା ପଜିଟିଭ ଆସିଛି । ଏହାଯୋଗୁଁ ଚ୍ୟାନେଲର ଲାଇଭ୍ ପ୍ରୋଗ୍ରାମକୁ ମଧ୍ୟ ବାଧ୍ୟ ହୋଇ ବନ୍ଦ କରାଯାଇଛି । ପଜିଟିଭ କେସ୍ ଆସିବା ପରେ ସେମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ସଂଗରୋଧରେ ରଖାଯାଇଥିବା ଜଣାପଡିଛି ।
