କାଜୁ ଜଙ୍ଗଲରୁ ବିବାହିତା ମହିଳାଙ୍କ କ୍ଷତ ଵିକ୍ଷତ ମୃତ ଦେହ ଉଦ୍ଧାର
ଖଲ୍ଲିକୋଟ : ଶନିବାର ଖଲ୍ଲିକୋଟ ଥାନା ଅନ୍ତର୍ଗତ ତାଳପଡା ପଂଚାୟତର ଲକ୍ଷ୍ମୀନାରାୟଣପୁର ଗ୍ରାମ ନିକଟସ୍ଥ ଏକ କାଜୁ ଜଙ୍ଗଲରେ ବିବାହିତା ମହିଳାଙ୍କ କ୍ଷତ ବିଖ୍ୟତ ମୃତ ଦେହ କୁ ଖଲ୍ଲିକୋଟ ପୋଲିସ ଉଦ୍ଧାର କରିଥିବା ଜଣାପଡିଛି | ପ୍ରାପ୍ତ ସୂଚନା ଅନୁଯାୟୀ ଉକ୍ତ ବିବାହିତା ମହିଳାଙ୍କୁ କୌଣସି ଏକ ନିର୍ଦିଷ୍ଟ କାରଣରୁ ମହିଳାଙ୍କୁ ହତ୍ୟା କରାଯିବ ପରେ ମୃତଦେହକୁ ଗାଡିରେ ଆଣି କାଜୁ ଜଙ୍ଗଲ ଭିତରେ ଫିଙ୍ଗି ଦେଇଥିବା ପୋଲିସ ସନ୍ଦେହ କରୁଛି | ମୃତା ମହିଳାଙ୍କ ମୃତ ଦେହ ନିକଟରେ ଏକ ଧଳା ଭ୍ୟାନିଟି ବ୍ୟାଗ, ଗୋଟିଏ ଆଣ୍ଡ୍ରଏଡ଼ ମୋବାଇଲ ଓ ହଳେ ଲେଡୀସ ଚପଲ, ପଡିଛି | ମୃତା ମହିଳା ଜଣଙ୍କ ସଲ୍ୱାର ପଂଜାବୀ ପରିଧାନ କରିବା ସହ ହାତରେ ଚୁଡ଼ି, ବେକରେ ମଙ୍ଗଳସୂତ୍ର ଓ ହାତ,ଗୋଡ଼ରେ ମୁଦି ଲଗାଇଥିବା ଦେଖିବାକୁ ମିଳିଛି | ତେବେ ଘଟଣା ସ୍ଥଳରେ ଛତ୍ରପୁର ଏସ ଡି ପି ଓ ଉତ୍କଳ କେଶରୀ ଦାସ, ଖଲ୍ଲିକୋଟ ଥାନା ଅଧିକାରୀ ସୁନୀଲ କୁମାର ବେହେରା, ପ୍ରମୁଖ ପୋଲିସ ଟିମ ପହଂଚି ମହିଳାଙ୍କ ନିକଟରେ ପଡିଥିବା ମୋବାଇଲ କୁ ଯାଞ୍ଚ କରିବା ପରେ ମୃତା ମହିଳାଙ୍କ ଘର ଗୋଳନ୍ଥରା ଥାନା ଅଂଚଳରେ ଓ ମୃତା ମହିଳାଙ୍କ ନାମ ଲକ୍ଷ୍ମୀ ସାହୁ ବୋଲି ଜାଣିବା ପରେ ପୋଲିସ ଉକ୍ତ ମହିଳାଙ୍କ ପରିବାର ସହ ଯୋଗାଯୋଗ ହୋଇଥିବା ଥାନା ଅଧିକାରୀ ବେହେରା ସୂଚନା ଦେଇଛନ୍ତି | ତେବେ ମୃତା ମହିଳାଙ୍କ ମୁଂହ,ପେଟ ସମେତ ଶରୀର ର ବିଭିନ୍ନ ସ୍ଥାନ ରେ ଧାରୁଆ ଅସ୍ତ୍ର ଆଘାତ ର ଚିହ୍ନ ରହିଛି | ପୋଲିସ ହତ୍ୟାକାଣ୍ଡ ର ସତ୍ୟାସତ୍ୟ କୁ ଜାଣିବା ପାଇଁ ଏକ ସାଇଣ୍ଟିଫିକ ଟିମ ଛତ୍ରପୁର ଠାରୁ ଆଣି ତଦନ୍ତ ଚଳାଇଥିବା ଜଣାପଡିଛି | ବିବାହିତା ମହିଳାଙ୍କ ନିଖୋଜ ନେଇ ଗୋଳନ୍ଥରା ଥାନା ରେ ସୂଚନା ଦିଆଯାଇଥିବା ଏହି ସୂତ୍ର ରୁ ଜଣାପଡିଛି | ତେବେ ଖଲ୍ଲିକୋଟ ପୋଲିସ ଏ ସମ୍ପର୍କିତ ଏକ ମାମଲା ରୁଜୁ କରି ଶବ କୁ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡିଛି |
