କୁକୁଡ଼ା ଫାର୍ମ ମାଲିକଙ୍କୁ ଆକ୍ରମଣ ଘଟଣା ୩ ଅଭିଯୁକ୍ତ ଫେରାର

ବୁଗୁଡା- ବୁଗୁଡା ଥାନା ଅନ୍ତର୍ଗତ ପଙ୍କଳସାହି ଗ୍ରାମର କୁକୁଡ଼ା ଫାର୍ମ ମାଲିକ ହେମନ୍ତ ପ୍ରଧାନଙ୍କୁ ୩ ଜଣ ବ୍ୟକ୍ତି ଆକ୍ରମଣ କରି ଫେରାର ଥିବା ଜଣାପଡିଛି । ଫାର୍ମ ମାଲିକ ହେମନ୍ତ ନିଜ କୁକୁଡ଼ା ଫର୍ମରେ ଥିବା ସମୟରେ ବୁଗୁଡା ଥାନା ବିରଞ୍ଚିପୁର ଗ୍ରାମର ଦିବାନ ଗୌଡ଼ ଓ ଅନ୍ୟ ଦୁଇ ଜଣ ମିଶି ଫାର୍ମାକୁ ଯାଇ କୁକୁଡ଼ା ମାଗିଥିଲେ। ବର୍ତ୍ତମାନ କୁକୁଡ଼ା ବିକ୍ରି ହେବନାହିଁ ବୋଲି ଫାର୍ମ ମାଲିକ କହିବା ଯୋଗୁଁ ଦିବାନ ଓ ଅନ୍ୟ ଦୁଇଜଣ ମିଶି ଛୁରୀ ଦ୍ୱାରା ଆକ୍ରମଣ କରିଥିଲେ । ଆହତ ହେମନ୍ତ ପ୍ରଧାନ ଚିତ୍କାର କରିବାରୁ ତିନି ଜଣ ଆସାମୀ ଦୌଡ଼ି ଚାଲି ଯାଇଥିଲେ । ହେମନ୍ତଙ୍କୁ ତୁରନ୍ତ ବୁଗୁଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିଲା । ହେମନ୍ତଙ୍କ ଏତଲା ପ୍ରକାରେ ବୁଗୁଡା ଥାନା କେଶ ନଂ ୨୬୮/୧୯ ପ୍ରକାରେ ଏକ ମାମଲା ରୁଜ୍ଜୁ କରି ତୁରନ୍ତ ଅନୁସନ୍ଧାନ କରିଥିଲେ । ମାତ୍ର ଆସାମୀ ତିନି ଜଣ ଫେରାର ହୋଇଥିବା ପୋଲିସି ପ୍ରକାଶ କରିଛନ୍ତି ।