କୁଚିଣ୍ଡା ଏନଏସି ପକ୍ଷରୁ ଗାନ୍ଧୀ ଜୟନ୍ତୀ ପାଳିତ

କୁଚିଣ୍ଡା , (ଯୁଗାବ୍ଦ ନ୍ୟୁଜ) : କୁଚିଣ୍ଡା ଏନଏସି ପକ୍ଷରୁ ୧୫୦ତମ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏହି ଅବସର ରେ କୁଚିଣ୍ଡା ଏନଏସି ଏକ ପ୍ଲାଷ୍ଟିକ ମୁକ୍ତ କୁଚିଣ୍ଡା ସଚେତନତାର ବାର୍ତ୍ତା ଦେଇ ଏନ ଏ ସି କର୍ମ କର୍ତ୍ତା, ମହିଳା ସଂୟସାହାୟକ ଗୋଷ୍ଠୀ ସମସ୍ତେ ଏକତ୍ରିତ ହୋଇ ସହର ପରିକ୍ରମା କରି ଥିଲେ । ପରେ କୁଚିଣ୍ଡା ଟାଉନ ହଳ ଠାରେ ଏକ ସଭା ଅନୁଷ୍ଠିତ ହୋଇଥିଲା । ଏନଏସି ଅଧିକାରୀ ଜିତେନ୍ଦ୍ର କୁମାର ମହାପାତ୍ର ଙ୍କ ସଭାପତିତ୍ବ ସଭାରେ ଏନଏସି ବହୁ ଯୋଜନା ହାତକୁ ନିଆଯାଇଥିବା ବେଳେ ଏହା କିଭଳି ଲୋକେ ଉପଭୋଗ କରିପାରି ବେ ତାହା ସଚେତନ କରାଯାଇଥିଲା। ଏହି ଅବସର ରେ ସିଟୀଜେନ ଇ -ସର୍ଭିସେସ କୁଚିଣ୍ଡା ଏନ ଏ ସି ନାମକ ଏକ ମୋବାଇଲ ଆପ ଶୁଭାରମ୍ଭ କରିଥିଲେ । ଏହି ଆପ ମାଧ୍ୟମରେ ଘର ହୋଲଡିଙ୍ଗ ଟେକସ, ଜନ୍ମ ମୃତ୍ୟୁ ପଞିକରଣ,ଦୋକାନ ମାନଙ୍କ ଟ୍ରେଡ  ଲାଇସେନ୍ସ ଅନଲାଇନ ମାଧ୍ୟମରେ ହୋଇପାରିବ । ଏହା ଓଡିଶାରେ ପ୍ରଥମ କରି କୁଚିଣ୍ଡା ଏନ.ଏ.ସି, ରେ ଉନ୍ମଚନ କରାଯାଇଛି। ଏଥିରେ ଏଚ ଡି ଏଫ ସି ବ୍ୟାଙ୍କ ସହଯୋଗ କରିଛି । ଏହା ସହିତ ଅଙ୍ଗିକାର ଯୋଜନାର ଘୋଷଣା କରିଥିଲେ । ଏହି ଯୋଜନା ମାଧ୍ୟମ ରେ କୁଚିଣ୍ଡା ରେ ହୋଇଥିବା ପ୍ରଧାନମନ୍ତ୍ରୀ ଆବାସ ଯୋଜନାରେ ସେହି ଘରରେ ବିିଜୁଳି, ପାଣି, ପାଇଖାନା ସରକାରଙ୍କ ଆସୁଥିବା ଯୋଜନା ମାନ ଠିକ ହିସାବରେ ପହଞ୍ଚିଲା କି ନାହିଁ ତାହାର ତଦାରଖ କରିବେ। ଏହି ସଭାରେ ସମ୍ବଲପୁର ଅର୍ବାନ ର୍ପ୍ରକଳ୍ପ ନିର୍ଦେଶକ ବିକାଶ ଚନ୍ଦ୍ର ବଇନ ମୁଖ୍ୟ ଅତିଥି ଭାବରେ ଯୋଗ ଦେଇ ଏହି ଆପ ବ୍ୟବହାର ଦ୍ଵାରା କିଭଳି ସମୟ ଖର୍ଚ୍ଚାନ୍ତ ରୁ ବଞ୍ଚି ପାରିବା ବାବଦରେ ବୁଝାଇ ଥିଲେ। ସେହିଭଳି  ଏଚ ଡି ଏଫ ସି ବ୍ୟାଙ୍କ ଇ କମର୍ସ ମେନେଜର ସୋଭାଗ୍ୟ ପଟେଲ ମଧ୍ୟ ମଞ୍ଚାସିନ ଥିବା ବେଳେ ଏମ ଆଇ ସ ସୁଶାନ୍ତ ଗଜେନ୍ଦ୍ର ସିଂ, ହିମାଂଶୁ ମହାନନ୍ଦ, ତପନ ମହାପାତ୍ର, ଆଦି ସମସ୍ତେ ଉପସ୍ଥିତ ଥିଲେ l ଶତାଧିକ ଲୋକ ଯୋଗ ଦେଇ ଏହି ସଚେତନ ବିଷୟରେ ବୁଝିଥିଲେ।