ଗଜପତି ଜିଲ୍ଲାପାଳଙ୍କୁ କରୋନା କଟକ ବଡ ଡାକ୍ତରଖାନାରେ ଭର୍ତ୍ତି

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର ଜିଲ୍ଲାପାଳ ଅନୁପମ ସାହା କରୋନା ପଜିଟିଭ୍ ଚିହ୍ନଟ ହୋଇଥିବା ସୂଚନା ମିଳିଛି । ବର୍ତ୍ତମାନ ସେ କଟକ ବଡ ଡାକ୍ତରଖାନାରେ ଭର୍ତ୍ତି ହୋଇ ଚିକିତ୍ସିତ ହେଉଥିବା ଜଣାପଡିଛି । ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ମଧ୍ୟ ଖବର ମିଳିଛି । ଗଜପତି ଜିଲ୍ଲାର ଜିଲ୍ଲାପାଳ ଅନୁପମ ସାହା କରୋନା ପଜିଟିଭ୍ ଚିହ୍ନଟ ହୋଇଥିବା ଯୋଗୁଁ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତି କୌଣସି ଭାବେ ଅସୁସ୍ଥତା ଅନୁଭବ କଲେ ନିଜ ନିଜର ସ୍ୱାସ୍ଥ୍ୟ ପରୀକ୍ଷା କରାଇ ନେବାକୁ ପରାମର୍ଶ ଦିଆଯାଇଛି । ଗଜପତି ଜିଲ୍ଲାପାଳ ଅନୁପମ ସାହା ଅତି ତୁରନ୍ତ ଆରୋଗ୍ୟ ଲାଭ କରନ୍ତୁ ବୋଲି ସମସ୍ତ ଜିଲ୍ଲାବାସୀ,ସରକାରୀ ଅଧିକାରୀ ଓ କର୍ମଚାରୀ ମାନେ କାମନା କରିଛନ୍ତି ।