ଚନ୍ଦ୍ରକଳ୍ପେଶ୍ୱରଙ୍କ ଠାରେ ଜଳ ଲାଗି କଲେ ଶତାଧିକ କାଉଡ଼ିଆ

ହିଂଜିଳିକାଟୁ, (ଶେଷଦେବ ସାହୁ): ଧାରା ଶ୍ରାବଣରେ ଧାର୍ମିକ ପଦଯାତ୍ରା ସକାଶେ କାଉଡ଼ିଆ ମାନେ ନିଜର ମାନସିକ ପୁରଣ କରିବା ଲାଗି ବୋଲବମ ଯାତ୍ରା କରିଥାନ୍ତି । ଏହି ପରିପ୍ରେକ୍ଷୀରେ ଶ୍ରାବଣ ମାସ ୩ୟ ସୋମବାର ସକାଶେ କାଉଡ଼ିଆ ମାନେ ବିଭିନ୍ନ ପବିତ୍ର ନଦୀରୁ ଜଳ ଧାରଣ କରି ହିଂଜିଳିକାଟୁ ପୌରାଂଚଳ ସମେତ ନିକଟବର୍ତି ଶୈବପୀଠ ଗୁଡ଼ିକରେ ଜଳଲାଗି କରିଥିଲେ । ହିଂଜିଳିକାଟୁ ପୌରାଂଚଳ ସିନେମାହଲ ଛକ ସ୍ଥିତ ଚନ୍ଦ୍ରକଳ୍ପେଶ୍ୱର ବୋଲବମ ସଙ୍ଘର ଶତାଧିକ କାଉଡ଼ିଆ ରବିବାର ରାତିରେ ଆସିକା ଋଷିକୂଲ୍ୟା ଓ ବଡ଼ନଦୀ ସଙ୍ଗମ ସ୍ଥଳରେ ପଂହଚି ପୁରୋହିତ ଖଡ଼ିରତ୍ନ ସିମାଂଚଳ ପଣ୍ଡିତଙ୍କ ପୂଜା ହୋମାଦି ସହ ମହା ମୃତ୍ୟୁଂଜୟ ମନ୍ତ୍ର ପାଠ ପୂର୍ବକ କଳସରେ ଜଳ ଧାରଣ କରିବା ସହ ଚନ୍ଦନ, କର୍ପୁର ଓ ବିଭିନ୍ନ ସୁବାଷିତ ମହୋଷଧି ମିଶ୍ରଣ ପୂର୍ବକ ବାହୁଙ୍ଗିରେ ପୂର୍ଣ୍ଣକୁମ୍ଭ କଳସକୁ କାନ୍ଧରେ ବୋହି ବୋଲବମ ହରହର ବମ, ଜଟିଆ ବାବା ପାର୍ କରେଗା ସମେତ ଶିବ ନାମ ଜପ କରି ହିଂଜିଳିକାଟୁ ପୌରାଂଚଳ ଲକ୍ଷ୍ମୀବଜାର ସ୍ଥିତ ଚନ୍ଦ୍ରକଳ୍ପେଶ୍ୱର ମହାଦେବଙ୍କ ପୀଠ ଠାରେ ପହଂଚି ଜଳ ଲାଗି କରିଥିଲେ । ମନ୍ଦିର ପରିସରରେ ହବିଷାନ୍ନ ବ୍ୟଂଜନ ପ୍ରସ୍ତୁତି ପୂର୍ବକ ପ୍ରସାଦ ସେବନ କରି ଅପରାହ୍ନରେ ନିଜନିଜଗୃହକ ପ୍ରତ୍ୟାଗମନ କରିଥିଲେ । ଚନ୍ଦ୍ରକଳ୍ପେଶ୍ୱର ବୋଲବମ ସଙ୍ଘର ସଭାପତି ସିମାଂଚଳ ମୁଦୁଲି, ଉପସଭାପତି ଗୋପାଳ କୃଷ୍ଣ ସାହୁ, କୋଷାଧ୍ୟକ୍ଷ ଅଶୋକ କୁମାର ପ୍ରଧାନ, ଶେଷଦେବ ସାହୁ, ସତ୍ୟ ମହାଙ୍କୁଡ଼, ମନୋରଂଜନ ପାଠି, ଚିଂଟୁ ସାହୁ, ପାଣ୍ଡା ପୃଷ୍ଟି, ପ୍ରଦିପ ପ୍ରଧାନ, ବାବୁ ଡ଼ାକୁଆ, ଟୁଟୁ ପାତ୍ର, କୃଷ୍ଣଚନ୍ଦ୍ର ପଣ୍ଡା, ବୁଲୁ ମୁନି, ବାପି ପଣ୍ଡିତ, କିଶୋର ଚନ୍ଦ୍ର ସାହୁ, ଚିମନ ସାହୁ, ଜଗନ୍ନାଥ ଚୌଧୁରୀଙ୍କ ସମେି ଶତାଧିକ କାଉଡ଼ିଆ ଅଂଶ ଗ୍ରହଣ କରିଥିଲେ ।