ଛତ୍ରପୁର ଠାରେ ବାଜପେୟୀଙ୍କ ଜନ୍ମ ଜୟନ୍ତୀ ପୃଥକ୍ ପୃଥକ୍ ପାଳନ

ଛତ୍ରପୁର: ଛତ୍ରପୁର ଠାରେ ପୂର୍ବତନ ପ୍ରଧାନ ମନ୍ତ୍ରୀ ସ୍ୱର୍ଗତ ଅଟ୍ଟଳ ବିହାରୀ ବାଜପେୟୀଙ୍କ ୯୫ତମ ଜନ୍ମ ଜୟନ୍ତୀ ଭାରତୀୟ ଜନତା ପାର୍ଟି ପକ୍ଷରୁ ପୃଥକ୍ ପୃଥକ୍ ପାଳନ କରାଯାଇଛି । ଗତ ସାଧାରଣ ନିର୍ବାଚନ ପର ଠାରୁ ଛତ୍ରପୁର ନିର୍ବାଚନ ମଣ୍ଡଳୀରେ ଭାରତୀୟ ଜନତା ପାର୍ଟିର ନେତା ଓ କର୍ମୀା ମାନେ କ୍ଷମତାକୁ ନେଇ ନିଜ ନିଜ ଭିତରେ କନ୍ଦଳ ସୃଷ୍ଟି କରିଥିବା ଦେଖିବାକୁ ମିଳିଛି । ଅଳ୍ପ ଦିନତଳେ ନିର୍ବାଚନ ମଣ୍ଡଳୀର ବିଭିନ୍ନ ମଣ୍ଡଳ ସଭାପତି ଚୟନ କୁ ନେଇ ବିବାଦ ସୃଷ୍ଟି ହୋଇଥିବା ବେଳେ ଆଜି ପୂର୍ବତନ ପ୍ରଧାନ ମନ୍ତ୍ରୀ ସ୍ୱର୍ଗତ ବାଜପେୟୀ ଜନ୍ମ ଜୟନ୍ତୀ ପାଳନ ଅବସରରେ ଏହି ବିବାଦ ଦେଖିବାକୁ ମିଳିଛି । ତିରୁପତି ରାଓପେଟା ସାହିସ୍ଥିତ ଭାରତୀୟ ଜନତାପାର୍ଟି କାର୍ଯ୍ୟାଳୟରେ ପୂର୍ବତନ ଗଂଜାମ ବ୍ଲକ ଅଧ୍ୟକ୍ଷ ଡି.କାନକାୟା ରେଡ୍ଡୀ ଅଧ୍ୟକ୍ଷତାରେ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ବାଜପେୟୀଙ୍କ ୯୫ତମ ଜନ୍ମ ଜୟନ୍ତୀ ପାଳନ କରାଯାଇଛି । ଏଥିରେ ଆଇନଜିବୀ ପ୍ରଦୀପ କୁମାର ପାଢି, ପି.ଚନ୍ଦ୍ରଶେଖର ରାଓ, ମନୋଜ କୁମାର ବେହେରା, ଲିଙ୍ଗରାଜ ନାୟକଙ୍କ ସମେତ ବହୁ ଦଳୀୟ କର୍ମୀ ରହି ବାଜପେୟୀଙ୍କ ଗୁଣଗାନ କରିଥିଲେ । ସେହିପରି ପୁତିଗୋପାଳପୁର ସ୍ଥିତ ଅସ୍ଥାୟୀ କାର୍ଯ୍ୟାଳୟରେ ବିଜେପିର ଛତ୍ରପୁର ମଣ୍ଡଳ ସଭାପତି ସଂଜିତ୍ କୁମାର ରାଉଳଙ୍କ ଅଧ୍ୟକ୍ଷତାରେ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ବାଜପେୟୀଙ୍କ ୯୫ତମ ଜନ୍ମଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ଏଥିରେ ଛତ୍ରପୁର ନିର୍ବାଚନ ମଣ୍ଡଳୀର ଯୁବ ନେତା ପ୍ରଶାନ୍ତ କୁମାର କର ଯୋଗଦେଇ ବାଜପେୟୀଙ୍କ ମନେପକାଇଥିଲେ । ମଣ୍ଡଳ ସଭାପତି ପଦ୍ମ ଚରଣ ସାହୁ, ଭିକାରୀପଲ୍ଲୀ ମଣ୍ଡଳ ସଭାପତି ପଦ୍ମ ଚରଣ ପରିଡା, ଗଂଜାମ ଏନଏସି ମଣ୍ଡଳ ସଭାପତି ସୁଦାମ ଚରଣ ଜେନା, ଟାଙ୍ଗଣାପଲ୍ଲୀ ମଣ୍ଡଳ ସଭାପତି ବିଦ୍ୟାଧର ନାହାକ, ହୁମ୍ମା ମଣ୍ଡଳ ସଭାପତି ଭଗବାନ ନାହାକ, ବିଜେପି ରାଜ୍ୟ ପରିଷଦ ସଭ୍ୟ ଚୈତନ୍ୟ ପ୍ରଧାନ , ପୂର୍ବତନ ଏନଏସି ଉପାଧ୍ୟକ୍ଷ ବସନ୍ତ କୁମାର ବେହେରା, ଶ୍ରମିକ ନେତା ବିଜୟ ମୁଦୁଲି, କେ.ରଘୁ ରେଡ୍ଡୀ, ଗଂଜାମ ଜିଲ୍ଲା ଯୁବ ମୋଚ୍ଚ ର୍ା ଉପସଭାପତି ପି.ଗୋପାଳଙ୍କ ସମେତ ନିର୍ବାଚନ ମଣ୍ଡଳୀର ବହୁ ଦଳୀୟ ନେତା କର୍ମୀ ମାନେ ଯୋଗଦେଇଥିଲେ ।