ଜାତୀୟ ଭୋଟର ଦିବସ ପାଳିତ

କାଶୀନଗର, (ରାଜେଶ କୁମାର ପଟ୍ଟନାୟକ):ସ୍ଥାନୀୟ ଶ୍ରୀରାମ ସ୍ନାତକ ମହାବିଦ୍ୟାଳୟ ରେ “ଜାତୀୟ ଭୋଟର ଦିବସ” ଜାତୀୟ ସେବା ଯୋଜନା ଓ ଏନ୍ସିସି, ୱାରସୀ ଦ୍ୱାରା ମିଳିତ ଭାବେ ଉତ୍ସାହ ଓ ଉତ୍ସର୍ଗର ସହ ପାଳନ କରାଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡଃ ପ୍ରଶାନ୍ତ ବାନାପିଲି ଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା କାର୍ଯ୍ୟକ୍ରମରେ ଜାତୀୟ ସେବା ଯୋଜନାର କାର୍ଯ୍ୟକାରୀ ଅଧିକାରୀ ଓ ଗଣିତ ଅଧ୍ୟାପକ ବିଶ୍ୱରଂଜନ ଗୌଡ଼ (ପୁରୁଷ ୟୁନିଟ୍), ଓଡ଼ିଆ ଅଧ୍ୟାପିକା ଭାଗ୍ୟଲକ୍ଷ୍ମୀ ପଟ୍ଟନାୟକ (ମହିଳା ୟୁନିଟ୍), ଏନ୍ସିସି ଏଏନ୍ଓ ପାଡାଲା ଭେଙ୍କଟ ରାଓ ଓ ୱାରସୀ ଅଧିକାରୀ ଭେଙ୍କଟ ରାଓ ପାଡାଲା କାର୍ଯ୍ୟକ୍ରମର ସଫଳ ପରିଚାଳନା କରିଥିଲେ।ଅଧ୍ୟକ୍ଷ ମହାଶୟ ଭୋଟର ଶପଥ ଦେଇ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ, ସ୍ୱେଚ୍ଛାସେବୀ ଓ ଛାତ୍ରଛାତ୍ରୀଙ୍କୁ ଭୋଟର ଦାୟିତ୍ୱ ବାବଦରେ ସଚେତନ କରାଇଥିଲେ। ଅଠର ବର୍ଷ ଉର୍ଦ୍ଧ୍ୱ ଛାତ୍ରଛାତ୍ରୀଙ୍କୁ ଭୋଟର କାର୍ଡ ନିର୍ମାଣର ପ୍ରାସଙ୍ଗିକତା ଓ ନିର୍ବାଚନରେ ଯୋଗଦେବା ଦିଗରେ ସଚେତନ କରାଯାଇଥିଲା। ସମସ୍ତଙ୍କୁ ବାହ୍ୟ ଚାପରେ ନ ଥାଇ ଉପଯୁକ୍ତ ବ୍ୟକ୍ତିକୁ ଭୋଟ ଦେବା ପାଇଁ ପ୍ରୋତ୍ସାହିତ କରା ଯାଇଥିଲା I