ଜୁଆ ଆଡ୍ଡା ଉପରେ ଚଢଉ, ୬ ଗିରଫ, ୯୭ହଜାର ଟଙ୍କାରୁ ଉର୍ଦ୍ଧ ଟଙ୍କା ଜବତ

ପାରଳାଖେମୁଣ୍ଡି, (ତାରିଣୀ ପଣ୍ଡା):ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରର ରାମନଗର ଠାରେ ଚାଲିଥିବା ଏକ ଜୁଆ ଆଡ୍ଡା ଉପରେ ପାରଳାଖେମୁଣ୍ଡି ଆଦର୍ଶ ଥାନା ପକ୍ଷରୁ ଅତର୍କିତ ଚଢଉ କରାଯାଇ ଥିବାର ଜଣାପଡିଛି |ଏହି ଘଟଣାରେ ୬ଜଣ ଜୁଆଡିଆ ଘଟଣାସ୍ଥଳରୁ ଧରାପଡିଥିବା ବେଳେ ଘଟଣାସ୍ଥଳରୁ ୯୭ହଜାର ୯୦୦ଟଙ୍କା ଜବତ କରାଯାଇଥିବା ବେଳେ ମୋବାଇଲ ଫୋନ ଓ ବାଇକ ଜବତ କରିଥିବାର ମଧ୍ୟ ଥାନା ସୂତ୍ରରୁ ସୂଚନା ମିଳିଛି | ଏନେଇ ପାରଳା ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ବାଇଁ ସୂଚନା ଦେଇଛନ୍ତି ଯେ, ସ୍ଥାନୀୟ ରାମନଗରରେ ଜୁଆ ଖେଳ ଚାଲୁଥିବାକୁ ନେଇ ସୂଚନା ମିଳିଥିଲା | ପୋଲିସ ଏନେଇ ଆଜି ସନ୍ଧ୍ୟା ୫ ଘଣ୍ଟା ସମୟରେ ଅତର୍କିତ ଚଢଉ କରିଥିଲେ | ଘଟଣାସ୍ଥଳରୁ କେତେକ ଚମ୍ପଟ ମାରିଥିବା ବେଳେ ୬ଜଣଙ୍କୁ ଗିରଫ କରାଯାଇ ୯୭ହଜାର ୯୦୦ଟଙ୍କା ସମେତ ମୋବାଇଲ ଫୋନ, ବାଇକ ଆଦିକୁ ଜବତ କରି ଥାନା ମଧ୍ୟରେ ରଖାଯାଇଥିବାର ପ୍ରକାଶ କରିଛନ୍ତି | ଏନେଇ ପାରଳା ଥାନାରେ୧୫୬/୨୨ରେ ଏକ ମାମଲା ରୁଜୁ କରାଯାଇଥିବାର ଥାନା ଅଧିକାରୀ ଶ୍ରୀ ସ୍ବାଇଁ ସୂଚନା ଦେଇଛନ୍ତି |