ଟଙ୍କା ଚୋରି, ଥାନାରେ ଅଭିଯୋଗ
ଯୋଡ଼ା,(ଯୁଗାବ୍ଦ ନ୍ୟୁଜ୍): କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜୁରୁଡି କଳିଙ୍ଗ ମାଇନିଂ କର୍ପୋରେସନ ଖଣିର ପରିବହନ ଗେଟ୍ ସମୁଖରୁ ଟଙ୍କା ଭର୍ତି ବ୍ୟାଗ୍ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ବାମେବାରୀ ଥାନା ଅଧିକାରୀ ପରେଶ କୁମାର ମହାନ୍ତି ସୂଚନା ଦେଇ କହିଛନ୍ତି । ଶନିବାର ରାତି ପ୍ରାୟ ୮.୩୦ ମିନିଟ୍ ସମୟରେ ରୋଡ୍ ଲାଇନ୍ସ ନାମକ ଏକ ପରିବହନ ସଂସ୍ଥାର କର୍ମଚାରୀ ବିରେନ୍ଦ୍ର ସାମଲ ଉକ୍ତ ଗେଟ୍ ସମୁଖରେ ବାଇକ ରଖି ଟ୍ରକ ଗୁଡିକୁ ଅଗ୍ରିମ ଭଡା ଦେଉଥିଲେ । ସେ ଦେଢ ଲକ୍ଷ ରୁ ଉଦ୍ଧ୍ୱର୍ ଟଙ୍କା ଥିବା ଏକ ବ୍ୟାଗ୍ ବାଇକ୍ ନିକଟରେ ରଖିଥିଲେ । ତେବେ ଏହି ସମୟ ମଧ୍ୟରେ ତାଙ୍କର ଲକ୍ଷାଧିକ ଟଙ୍କା ଭର୍ତି ବ୍ୟାଗ୍ ଟି ସେଠାରୁ ଚୋରି ହୋଇଥିବା ନେଇ ବାମେବାରୀ ଥାନାରେ ଅଭିଯୋଗ କରିଛନ୍ତି । ଅଭିଯୋଗକୁ ଭିତି କରି ପୋଲିସ କେଶ୍ ନଂ ୧୩୯/୧୯ ରୁଜୁ କରି ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ପରେଶ କୁମାର ମହାନ୍ତି ସୂଚନା ଦେଇଛନ୍ତି ।
