ଟ୍ରକ ସହ ଟାଟା ଏସି ମୁହାଁ ମୁହିଁ – ଚାଳକ ଗୁରୁତର

ହିଂଜିଳିକାଟୁ, (ଶେଷଦେବ ସାହୁ): ୫୯ ନଂ ଜାତୀୟ ରାଜପଥ ହିଂଜିଳି ଥାନା ଖଣ୍ଡରା ଛକ ନିକଟରେ ବୁଧବାର ପୂର୍ବାହ୍ନ ପ୍ରାୟ ୧୧ ଟାରେ ଟ୍ରକ (ଓଆର୦୭ଭି ୯୧୬୩) ସହ ଏକ ଟାଟା ଏସି(ଓଡ଼ି୦୭କିୟୁ ୭୮୧୨)ର ମୁହାଁ ମୁହିଁ ଧକ୍କା ଘଟି ଟାଟାଏସି ଚାଳକ ଗୁରୁତର ଆହତ ହୋଇଛନ୍ତି । ଆହତ ଚାଳକ ଜଣକ କବିସୂର୍ଯ୍ୟନଗର ଅଂଚଳର ପବିତ୍ର ଜେନା (୪୩) । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିତ୍ସା ସକାଶେ ୧୦୮ ଆମ୍ବୁଲାନ୍ସ ଯୋଗେ ହିଂଜିଳିକାଟୁ ଡ଼ାକ୍ତରଖାନାରେ ଭର୍ତି କରିଥିଲେ । ଅବସ୍ଥା ଗୁରୁୂତର ଥିବାରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଖବର ପାଇ ହିଂଜିଳି ପୁଲିସ ଦୂର୍ଘଟଣା ସ୍ଥଳରେ ପଂହଚି ଦୂର୍ଘଟଣା ଗ୍ରସ୍ତ ଗାଡ଼ି ଦୁଇଟିକୁ ଜବତ କରି ଘଟଣାର ତଦନ୍ତ ଚଳାଇଛି । ଦୂର୍ଘଟଣା ପରେ ଘଟଣା ସ୍ଥଳରୁ ଟ୍ରକ ଚାଳକ ଫେରାର ହୋଇଯାଇଛି । ପ୍ରକାଶ ଥାଉକି, ବ୍ରହ୍ମପୁର ଠାରୁ ଆସିକା ଅଭିମୂଖେ ଟ୍ରକଟି ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଟାଟା ଏସି ସହ ଖଣ୍ଡରା ଛକ ନିକଟରେ ମୁହାଁ ମୁହିଁ ଧକ୍କା ଘଟିଥିଲା ।