ଡିଏଭି ସ୍କୁଲରେ ଗୁରୁଦିବସ ପାଳିତ
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):ସ୍ଥାନିୟ ଗରାପୁରସ୍ଥିତ ଡିଏଭି ପବ୍ଲିକ ସ୍କୁଲ ପରିସରରେ ଗୁରୁଦିବସ ଓ ଜନ୍ମାଷ୍ଟମୀ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ କୁନିକୁନି ଛାତ୍ରଛାତ୍ରୀମାନେ ପାରମ୍ପରିକ ରୀତିରେ ଭାରତର ପୂର୍ବତନ ରାଷ୍ଟ୍ରପତି ଡ଼ଃ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଫଟୋଚିତ୍ରରେ ପୁଷ୍ପାଞ୍ଜଳି ଅର୍ପଣ ପୂର୍ବକ ଗୁରୁବନ୍ଦନା ଗାଇ ଶିକ୍ଷକ ଶିକ୍ଷୟିତ୍ରୀମାନଙ୍କ ମଥାରେ ସିନ୍ଦୁର, ଚନ୍ଦନ ଓ ଅକ୍ଷତ ଲଗାଇ ଗୁରୁଙ୍କୁ ପୂଜା କରି ଗୁରୁଙ୍କ ଠାରୁ ଆର୍ଶୀବାଦ ସ୍ୱରୂପ ସଫଳ ହେବାର ଆର୍ଶୀବାଦ ଭିକ୍ଷା କରିଥିଲେ । ଏହି ଅବସରରେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ବିଦ୍ୟାଳୟ ପକ୍ଷରୁ ଅଧ୍ୟକ୍ଷ ରଞ୍ଜନ କୁମାର ବିଶ୍ୱାଳ ଗୁରୁଦିବସ ଉପହାର ପ୍ରଦାନ କରିଥିଲେ । ଜନ୍ମାଷ୍ଟମୀ ଉତ୍ସବ ପାଳନ ଅବସରରେ ନର୍ସରୀ ଓ ପ୍ରାଥମିକ ଶ୍ରେଣୀର ଛାତ୍ରଛାତ୍ରୀମାନେ ରାଧା ଓ କୃଷ୍ଣ ବେଶରେ ସଜ୍ଜିତ ହୋଇ ବିଦ୍ୟାଳୟକୁ ଆସିଥିଲେ ଓ ଜନ୍ମାଷ୍ଟମୀ ସଙ୍ଗୀତ ରେ ନୃତ୍ୟ ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ଶିକ୍ଷୟିତ୍ରୀ ସୋନି ବେହେରା, ସୁଭଦ୍ରା ନାୟକ, ପ୍ରଭାସିନୀ ମହାନ୍ତି, ଚିନ୍ମୟୀ ଦାଶ, ସୁପ୍ରିୟା ବେହେରା, ହିମାଂଶୁ ପ୍ରଧାନ, ସିରାଜ୍ କାମିଲା ହୁସେନ୍, ସଙ୍ଗୀତା ଶୁଭଦର୍ଶିନୀ ମୁଦୁଲି, ସୋନାଲି ରାଉତ୍, ମିନତୀ କର ପ୍ରମୁଖ ପରିଚାଳନା କରିଥିଲେ ।
