ତାମ୍ପରାରେ ଯନ୍ତ୍ରୀମାନଙ୍କ ତାଲିମ ଶିବିର

ଗଞ୍ଜାମ, (ବିନୋଦ ପଲାଇ):ପଞ୍ଚାୟତରାଜ, ପାନୀୟଜଳ ଓ ପରିମଳ ବିଭାଗ ଦ୍ୱାରା ଏକ ଯନ୍ତ୍ରୀମାନଙ୍କ ପାଇଁ ଏକ ତାଲିମ ଶିବିର ସ୍ଥାନୀୟ ତାମ୍ପରା ରିସୋର୍ଟରେ ଅନୁଷ୍ଠିତ ହୋଇଯାଇଛି l ମେଗା ପାଇପ ଜଳ ଯୋଗାଣ ଓ ମରାମତି ନେଇ ଏହି ଶିବିର ଅନୁଷ୍ଠିତ ହୋଇଥିଲା l ଏହି ଶିବିରରେ ବିଭାଗୀୟ ନିର୍ବାହୀ ଯନ୍ତ୍ରୀ ବିକାଶ କୁମାର ପତି, ସହକାରୀ ଯନ୍ତ୍ରୀ ରିତେଶ କୁମାର ସାହୁ, ଜିବିପିଆର କମ୍ପାନୀର ନିର୍ଦେଶକ ବ୍ରହ୍ମାନନ୍ଦ ରେଡ୍ଡୀ,ଯୋଗଦେଇଥିଲେ l ଏହି ଅବସରରେ ଗଞ୍ଜାମ ବ୍ଳକ ଓ ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଳକ ପାଇଁ ମେଗା ପାଇପ ପାଣି ଯୋଗାଣ ପ୍ରକଳ୍ପର ପରିଚଳନା ଓ ମରାମତି ଦିଗରେ ଅବଗତ କରାଯାଇଥିଲା l ଶେଷରେ ବିଷ୍ଣୁ କେଶରୀ ଦାସ ଧନ୍ୟବାଦ ଅର୍ପଣ କରିଥିଲେ l ପରେ ତାଲିମ ନେଉଥିବା ଯନ୍ତ୍ରୀ ମାନେ ଗଞ୍ଜାମ ବ୍ଳକର ମଲାଡ଼ ଠାରେ ଥିବା ପ୍ରକଳ୍ପ ଟ୍ରିଟମେଣ୍ଟ ପ୍ଲାଣ୍ଟ ଏବଂ ଇନଟେକ ୱେଲ ପରିଦର୍ଶନ କରିଥିଲେ l