ଦାମୀ ଗିଟାର
ଗିଟାରର ଧୂନ୍ ସମସ୍ତଙ୍କ ମନକୁ ମୋହି ନେଇଥାଏ । ଅନେକଙ୍କର ଏହା ଏକ ପ୍ରିୟ ବାଦ୍ୟଯନ୍ତ୍ର । ତେବେ ଏମିତି ଏକ ଗିଟାର ଅଛି, ଯାହାକୁ ଦେଖୁ ଦେଖୁ ଯେ କେହି ବି ତା’ ପ୍ରେମରେ ପଡ଼ିଯିବେ । ଆଉ ତାକୁ ପାଇବା ଲାଗି ସ୍ୱପ୍ନ ଦେଖିବା ଆରମ୍ଭ କରିବ । ହେଲେ ସମସ୍ତଙ୍କ ଭାଗ୍ୟରେ ଏହି ଗିଟାର କିଣିବା ସମ୍ଭବ ନୁହେଁ । ପୃଥିବୀର ସବୁଠାରୁ ଦାମୀ ଗିଟାର ଭାବେ ଗିନିଜ୍ ୱାର୍ଲଡ ରେକର୍ଡସ୍ରେ ଏହା ସ୍ଥାନ ପାଇଛି । “ଦି ଇଡେନ୍ ଅଫ୍ କରୋନେଟ୍’ ନାମରେ ପରିଚିତ ଉକ୍ତ ଗିଟାରର ମୂଲ୍ୟ ପ୍ରାୟ ୨ ମିଲିୟନ ଡଲାର । ପ୍ରସିଦ୍ଧ ଗିଟାର ନିର୍ମାତା ଗିବସନ୍, ଗହଣା ଡିଜାଇନର ଆରୋନ୍ ସୁମ୍ ଏବଂ ସଙ୍ଗୀତଜ୍ଞ ତଥା ଡିଜାଇନର ମାର୍କ ଲୁଇଙ୍କ ସହ ମିଶି ଉକ୍ତ ଗିଟାର ତିଆରି କରିଛନ୍ତି । ଏଥିରେ ୪୦୦ରୁ ଊର୍ଦ୍ଧ୍ୱ କ୍ୟାରେଟ୍ର ହୀରା ଓ ୧.୬ କି.ଗ୍ରା.ର ୧୮ କ୍ୟାରେଟ ସୁନା ବ୍ୟବହାର କରାଯାଇଛି । ୬୮ ଜଣ କାରିଗର ୭୦୦ ଦିନରେ ଏହାକୁ ତିଆରି କରିଛନ୍ତି । ଗିଟାରଟି ହୀରାରେ ଆଚ୍ଛାଦିତ ହୋଇ ରହିଥିଲେ ହେଁ ଏହା ସମ୍ପୂର୍ଣ୍ଣ କାର୍ଯ୍ୟକ୍ଷମ ।
