ଦେଶୀ ବନ୍ଧୁକ ଜବତ , ୧ ଗିରଫ

ବାଲିଗୁଡା , କନ୍ଧମାଳ ଜିଲ୍ଲା ସ୍ଥିତ ଦାରିଙ୍ଗିବାଡି ଥାନା ଅନ୍ତର୍ଗତ ନିକଟସ୍ଥ ଜଙ୍ଗଲରେ ଶନିବାର ପୋଲିସ ଟିମ୍ ଚଢାଉ କରି ୨ ଟି ଦେଶୀ ବନ୍ଧୁକ ଜବତ କରିବା ସହ ଜଣକୁ ଗିରଫ କରିଥିବା ଜଣାପଡିଛି । ଘଟଣା ସ୍ଥଳରେ ଚଢାଉ କରି ୨ ଟି ବନ୍ଧୁକ ସମେତ ବିଭିନ୍ନ ଦେଶୀ ବନ୍ଧୁକ ତିଆରି କରିବା ପାଇଁ ରହିଥିବା ସାମଗ୍ରୀ ଜବତ ହୋଇଥିବାରୁ ଜଙ୍ଗଲରେ ଦେଶୀ ବନ୍ଧୁକ କାରଖାନା ଠାବ କରାଯାଇଥିବା କଥା କୁହାଯାଉଛି । ପୋଲିସ ଜଣକୁ ଥାନାକୁ ଆଣି ପଚାରା ଉଚାରା ଜାରୀ ରଖିଛି ।