ଦୈତାରୀ ଜେନା ଓ ରଙ୍ଗବତୀ ଜେନା ସ୍ମୃତି ପୁରସ୍କାର ପ୍ରଦାନ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ସରକାରୀ ହାଇସ୍କୁଲକୁ ପୋଷ୍ୟ ସ୍କୁଲ ଭାବେ ଗ୍ରହଣ କରିଥିବା ହାଟଡିହି ହାଇସ୍କୁଲର ଛାତ୍ର ଆଇଏଏସ ଅଫିସର ଡ. ଗଣେଶ୍ୱର ଜେନା ତାଙ୍କ ବାପା ଦୈତାରୀ ଜେନା ଓ ମାତା ରଙ୍ଗବତୀ ଜେନାଙ୍କ ସ୍ମୃତି ଉଦ୍ଦେଶ୍ୟରେ ପ୍ରଦାନ କରିଆସୁଥିବା ମାଟ୍ରିକ ଟପର ପାଇଁ ଦୈତାରୀ ଜେନା ସ୍ମୃତି ପୁରସ୍କାର ଏବଂ ଗଣିତ ପାଇଁ ରଙ୍ଗବତୀ ଜେନା ସ୍ମୃତି ପୁରସ୍କାର ପ୍ରଦାନ କରିଥାନ୍ତି । ଏହି ଉଦ୍ଦେଶ୍ୟରେ ଆଜି ବିଦ୍ୟାଳୟର ଦୁଇ ଛାତ୍ରଛାତ୍ରୀଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି । ବିଦ୍ୟାଳୟର ପ୍ରଧାନ ଶିକ୍ଷକ ଶିଶିର କୁମାର କରଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୁର୍ବତନ ବିଧାୟକ ମାୟାଧର ଜେନା, ଜିଲ୍ଲା ଶିକ୍ଷା ଅଧିକାରୀ ପୁର୍ଣ୍ଣଚନ୍ଦ୍ର ସେଠୀ, ବନ୍ତ କଲେଜର ପ୍ରାକ୍ତନ ଅଧ୍ୟକ୍ଷ ଡ. ଶୁଭେନ୍ଦ୍ର କୁମାର ମିଶ୍ର, ହାଟଡିହି ବ୍ଲକର ସୁଶ୍ରୀ ବିଡିଓ ବିନିତା ବିଜୟିନୀ, ହାଟଡିହି ସରପଞ୍ଚ ଚିନ୍ମୟ କୁମାର ନାୟକ, ମୋ ସ୍କୁଲ ଅଭିଯାନର ସମ୍ପାଦକ ନିତ୍ୟାନନ୍ଦ ପହି, ପୁର୍ବତନ ଶିକ୍ଷକ କେଶବ ଚନ୍ଦ୍ର ସାହୁ ପ୍ରମୁଖଙ୍କ ଉପସ୍ଥିତିରେ ଡ. ଗଣେଶ୍ୱର ଜେନା ମାଟ୍ରିକ ଟପର ହୋଇଥିବା ଛାତ୍ରୀ ବିଶ୍ୱବନ୍ଦନା ବେହେରା ଓ ଗଣିତରେ ଟପର ହୋଇଥିବା ବେଦବ୍ୟାସ ପରିଡାଙ୍କୁ ଉତ୍ତରୀୟ, ମାନପତ୍ର ଓ ପୁଷ୍ପଗୁଚ୍ଛ ସହିତ ପ୍ରତ୍ୟେକଙ୍କୁ ପାଞ୍ଚହଜାର ଯଙ୍କାର ପୁରସ୍କାର ରାଶି ପ୍ରଦାନ କରି ପୁରସ୍କୃତ କରିଥିଲେ । ତାଙ୍କର ଏହି ପୁରସ୍କାର ଅନ୍ୟ ଛାତ୍ରଛାତ୍ରୀ ମାନଙ୍କୁ ନିଶ୍ଚିତ ଭାବେ ଭଲ ପଢ଼ିବା ପାଇଁ ପ୍ରେରଣାଦାୟୀ ହେବ ବୋଲି ଅତିଥିମାନେ ମତବ୍ୟକ୍ତ କରିଥିଲେ ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ