ନାଉଗାଁ ପୋଲିସର ସଫଳତା

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ଥାନା ଅନ୍ତର୍ଗତ ଓଡପଏଙ୍ଗା ଗ୍ରାମର ଅଂଶୁମାନ ବେହେରାଙ୍କ ଘରେ ଗତ ୩୧ ତାରିଖରେ କେହି ନ ଥିବାର ସୁଯୋଗ ନେଇ ଘର ସ୍କାଏ ଲାଇଟ ଭାଙ୍ଗା ଯାଇ ଘରୁ ଚୋରି ହୋଇଥିବା ନେଇ ଅଂଶୁମାନ ଜାନୁଆରୀ ୩ ତାରିଖରେ ନାଉଗାଁ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତିିକରି ଥାନା ପକ୍ଷରୁ ଏକ ମାମଲା(ନଂ-୨/୨୦୨୫) ରୁଜୁ କରାଯାଇଥିଲା । ନାଉଗାଁ ଥାନା ଦାୟିତ୍ୱରେ ଥିବା ଏସଆଇ ନିଳମଣୀ ନାୟକ ଓ ମାମଲାର ତଦନ୍ତକାରୀ ଅଧିକାରୀ ଜାକ୍ସନ ମାଝୀ ଅଭିଯୋଗକୁ ଗୁରୁତ୍ୱ ଦେଇ ତଦନ୍ତଜାରୀ ରଖିଥିଲେ । ମାତ୍ର ଅଭିଯୋଗ ହେବାର ୪୮ ଘଂଟା ନ ପୁରୁଣୁ ତଥା ୪ ତାରିଖରେ ନାଉଗାଁ ପୋଲିସ ଚୋରିରେ ସଂପୃକ୍ତ ଥିବା ଅଭିଯୁକ୍ତକୁ ଗିରଫ କରିବା ସହିତ ଚୋରି ହୋଇଥିବା ସାମଗ୍ରୀକୁ ଅଭିଯୁକ୍ତଙ୍କ ଘରର ପଛପଟ ଆମ୍ବ ଗଛ ନିକଟରେ ଥିବା ବୁଦାମୂଳରୁ ଜବତ କରିଥିଲା । ହେଲେ ପାଣି ପମ୍ପଟିକୁ ଅନ୍ୟ କିଏ ଚୋରି କରି ନେଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ଅଭିଯୁକ୍ତଙ୍କ ନାମ ମନୋଜ ଓରଫ ମନୋରଂଜନ ଦାସ(୨୪) ହୋଇଥିବା ବେଳେ ତାଙ୍କ ଘର ଓଡପଏଙ୍ଗା ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି । ଯାହାକି ନାଉଗାଁ ପୋଲିସର ବଡ ସଫଳତା ବୋଲି ସ୍ଥାନୀୟ ଅଂଚଳରେ ଆଲୋଚନା ହେଉଛି । ସୂଚନା ମୁତାବକ ଗତ ୩୧ ତାରିଖରେ ଅଂଶୁମାନ ବେହେରାଙ୍କ ଘରେ କେହି ନଥିବା ସମୟରେ କେହି ଦୁର୍ବୃତ ତାଙ୍କ ଘରର ସ୍କାଏ ଲାଇଟ ଭାଙ୍ଗି ଘର ଭିତରେ ପଶି ଘରେ ଥିବା ଲ୍ୟାପଟପ, ମୋବାଇଲ, ପାୱାର ବ୍ୟାଙ୍କ, ପାଣି ପମ୍ପସେଟ ସହିତ ଗଡରେଜ ଭାଙ୍ଗି ତା’ମଧ୍ୟରେ ଥିବା ଚୁଡି ଓ ଅନ୍ୟାନ୍ୟ ମୁଲ୍ୟବାନ ସାମଗ୍ରୀ ଆଦି ଲୁଟି ନେଇଥିବା ଅଭିଯୋଗ ହୋଇଥିଲା ।