ନିଯୁକ୍ତି ଭିତିକ ୱେବସାଇଟ୍ ଲୋକାର୍ପିତ

ଭୁବନେଶ୍ୱର,: ଭାରତରେ ଅନନ୍ୟ ନିଯୁକ୍ତି ଭିତିକ ତଥା ଉଦ୍ୟୋଗ ସହାୟତାକାରୀ ପୋର୍ଟାଲ୍ ଏହାର ଅଫିସିଆଲ୍ ୱେବସାଇଟ୍ ଭୁବନେଶ୍ୱରରୁ ନଭେମ୍ବର ୧୮ତାରିଖରେ ଶୁୁଭାରମ୍ଭ ହୋଇଛି । ଏହି ଅନନ୍ୟ ମାନବ ସମ୍ବଳ ପ୍ଲାଟଫର୍ମ ଶାରୀରିକ, ମେଡିକାଲ କିମ୍ବା ମାନସିକସ୍ତରରେ ଅନଗ୍ରସର ବ୍ୟକ୍ତି ବିଶେଷଙ୍କ ଥଇଥାନ ଏବଂ ସହାୟତା ଲକ୍ଷ୍ୟ ନେଇ କାର୍ଯ୍ୟ କରିଥାଏ । ଯେଉଁମାନଙ୍କୁ ସମାଜ ତଥା ନିଜ ପରିବାର ଅଣଦେଖା କରିଥାଏ ସେମାନଙ୍କୁ ବିକାଶର ମୁଖ୍ୟସ୍ରୋତ ରେ ସାମିଲ କରିବା ପାଇଁ ଆମାଜିଙ୍ଗ୍ ୟୁ କାର୍ଯ୍ୟ କରିଥାଏ ।ଏହି ଅବସରରେ ଆମାଜିଙ୍ଗ-ୟୁ ଡଟ୍ କମ୍ର ପ୍ରତିଷ୍ଠାତା ନିର୍ଦ୍ଦେଶକ ସୁମନ ଅଞ୍ଜୟ କହିଲେ, ଆମାଜିଙ୍ଗ-ୟୁ ଡଟ୍ କମ୍ ଭାରତର ପ୍ରଥମ ସମାଜିକ ମାନବ ସମ୍ବଳ ଏବଂ ଉଦ୍ୟୋଗ ସହାୟତାକାରୀ ପୋର୍ଟାଲ୍ । ଯାହାକି ସମାଜିକ ଦାୟିତ୍ୱବୋଧକୁ ହୃଦୟଙ୍ଗମ କରି ମଦର ଟେରେସାଙ୍କ କାର୍ଯ୍ୟଶୈଳି ରେ ଅନୁପ୍ରଣିତ । ଏହି ସଂସ୍ଥା ମଦର ଟେରେସାଙ୍କ ପଥକୁ ଅନୁସରଣ କରିଥାଏ । ଏହା ପ୍ରତିଟି ମନୁଷ୍ୟର ବିକାଶ ଏବଂ ଅଗ୍ରଗତି ଲକ୍ଷ୍ୟ ନେଇ କାର୍ଯ୍ୟ କରିଥାଏ ।