ପଂଚଦଶ ଅର୍ଥ ଆୟୋଗଙ୍କ କାର୍ଯ୍ୟକାଳ ଓ ପରିସର ବୃଦ୍ଧି ପ୍ରସ୍ତାବକୁ କ୍ୟାବିନେଟ ମଞ୍ଜୁରି
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି କେନ୍ଦ୍ର କ୍ୟାବିନେଟ ପଂଚଦଶ ଅର୍ଥ ଆୟୋଗଙ୍କ କାର୍ଯ୍ୟକାଳ ବୃଦ୍ଧି ପ୍ରସ୍ତାବକୁ ମଞ୍ଜୁରି ଦେଇଛନ୍ତି । ଏହି ମଞ୍ଜୁରି ଫଳରେ ପଂଚଦଶ ଅର୍ଥ ଆୟୋଗ ପ୍ରଥମ ଆର୍ଥିକ ବର୍ଷ ୨୦୨୦-୨୧ ଲାଗି ପ୍ରଥମ ରିପୋର୍ଟ ଦାଖଲ କରିବା ଏବଂ ୨୦୨୧-୨୨ ଠାରୁ ୨୦୨୫-୨୬ ଆର୍ଥିକ ବର୍ଷ ପର୍ୟ୍ୟନ୍ତ ଅବଧିର ଚୁଡ଼ାନ୍ତ ରିପୋର୍ଟ ୩୦ ଅକ୍ଟୋବର ୨୦୨୦ ସୁଦ୍ଧା ଉପସ୍ଥାପନ କରିବାରେ ସକ୍ଷମ ହେବେ । କାର୍ୟ୍ୟକାଳ ସମ୍ପ୍ରସାରଣ ଫଳରେ ଅର୍ଥ ଆୟୋଗ ୨୦୨୦ରୁ ୨୦୨୬ ଅବଧି ପାଇଁ ନିଜ ସୁପାରିସକୁ ଅନ୍ତିମ ରୂପ ଦେଇପାରିବେ । ଏଥିସହିତ ସଂସ୍କାର ଓ ନୂତନ ବାସ୍ତବିକତାକୁ ଧ୍ୟାନରେ ରଖି ଆର୍ଥିକ ପୂର୍ବାନୁମାନ ପାଇଁ ବିଭିନ୍ନ ତୁଳନୀୟ ଆକଳନର ନିରୀକ୍ଷଣ କରିବାରେ ସକ୍ଷମ ହୋଇପାରିବେ । ଆଦର୍ଶ ଆଚରଣ ସଂହିତା କାରଣରୁ ଲାଗୁ ହୋଇଥିବା ପ୍ରତିବନ୍ଧକ ହଟିବା ପରେ ଏଇ ନିକଟରେ ଅର୍ଥ ଆୟୋଗ ବିଭିନ୍ନ ରାଜ୍ୟ ଗସ୍ତ ସମ୍ପୂର୍ଣ୍ଣ କରିଛନ୍ତି । ଯଦ୍ଦ୍ୱାରା ରାଜ୍ୟଗୁଡ଼ିକର ଆବଶ୍ୟକତାର ବ୍ୟାପକ ଆକଳନ ପ୍ରଭାବିତ ହୋଇଛି । ଆୟୋଗଙ୍କ ବିଚାରଯୋଗ୍ୟ ବିଷୟ ବ୍ୟାପକ ହୋଇଥିବାରୁ ଏହାର ଉଦ୍ଦେଶ୍ୟକୁ ଯାଂଚ କରିବା ଏବଂ ରାଜ୍ୟର ଆବଶ୍ୟକତା ଅନୁଯାୟୀ ଏହାକୁ ପ୍ରସ୍ତୁତ କରିବା ଲାଗି କେନ୍ଦ୍ର ସରକାରଙ୍କୁ ଅତିରିକ୍ତ ସମୟ ଆବଶ୍ୟକ । ଯେଉଁ ଅବଧି ମଧ୍ୟରେ ଆୟୋଗଙ୍କ ସୁପାରିସ ଲାଗୁ ହୋଇଛି ସେଥିରେ ପ୍ରସ୍ତାବିତ ସମ୍ପ୍ରସାରଣ ଫଳରେ ରାଜ୍ୟ ଓ କେନ୍ଦ୍ର ସରକାରଙ୍କ ପାଇଁ ମଧ୍ୟଅବଧି ସମ୍ବଳ ଯୋଜନା ପ୍ରସ୍ତୁତ କରିବାରେ ସୁବିଧା ହେବ । ୧ ଏପ୍ରିଲ, ୨୦୨୧ ପରେ ଆୟୋଗଙ୍କ ପାଇଁ ୫ ବର୍ଷର କଭରେଜ ଉପଲବ୍ଧ ହେବା ଫଳରେ ରାଜ୍ୟ ଓ କେନ୍ଦ୍ର ସରକାର ଉଭୟଙ୍କୁ ମଧ୍ୟମ ଠାରୁ ଆରମ୍ଭ କରି ଦୀର୍ଘ ଅବଧି ପାଇଁ ଆର୍ଥିକ ଦୃଷ୍ଟିକୋଣ ସହିତ ନିଜ ଯୋଜନା ପ୍ରସ୍ତୁତ କରିବାରେ ସହାୟତା ମିଳିପାରିବ । ଏଥିସହିତ ମଧ୍ୟବର୍ତୀ ଆକଳନ ଓ ସୁଧାର ଲାଗି ଯଥେଷ୍ଟ ସମୟ ଉପଲବ୍ଧ ହେବ । ଏହା ଅନୁମାନ କରାଯାଉଛି ଯେ ଚଳିତ ଆର୍ଥିକ ବର୍ଷରେ ଆରମ୍ଭ କରାଯାଇଥିବା ଆର୍ଥିକ ସଂସ୍କାରର ପ୍ରଭାବ ୨୦୨୦-୨୧ର ପ୍ରଥମ ତ୍ରୈମାସର ଶେଷରେ ମିଳିବାକୁ ଥିବା ତଥ୍ୟରେ ପ୍ରତିଫଳିତ ହେବ ।
