ପଞ୍ଚାୟତରାଜ ଓ ପାନୀୟ ଜଳ ନିର୍ଦ୍ଦେଶକଙ୍କ ବନ୍ତ ଗ୍ରସ୍ତ
ବନ୍ତ, (ଚାନ୍ଦିନୀ ମହାନ୍ତି):ଓଡିଶା ସରକାରଙ୍କ ପଞ୍ଚାୟତରାଜ ଓ ପାନୀୟ ଜଳ ବିଭାଗର ନିର୍ଦ୍ଦେଶକ(ସ୍ୱତନ୍ତ୍ର ପ୍ରକଳ୍ପ) ଅରିନ୍ଦମ୍ ଡାକୁଆ ଆଜି ବନ୍ତ ବ୍ଲକ ଗ୍ରସ୍ତରେ ଆସି ବଡବର୍ଚ୍ଚିକୟାଁ ପଞ୍ଚାୟତର ଆଦିବାସୀ ଉତ୍ପାଦିକା ଗୋଷ୍ଠୀ ଦ୍ୱାରା ନିର୍ମିତ ହୋଇଥିବା ମିଶ୍ରିତ କୃଷି ଉଦ୍ୟାନ ପରିଦର୍ଶନ କରି ଉତ୍ପାଦିକା ଗୋଷ୍ଠୀର ସଦସ୍ୟା ମାନଙ୍କ ସହିତ ରୋଜଗାର କାର୍ଯ୍ୟକ୍ରମ ବିଷୟରେ ବୁଝିଥିଲେ । ଏଥିସହିତ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ପହଞ୍ôଚ ମନରେଗା, ସ୍ୱଚ୍ଛ ଭାରତ ଯୋଜନା, ଜୀବିକା ମିଶନ, ସି.ଏଫ.ସି, ଏସ୍.ଏଫ.ସି ଅନୁଦାନର ବିଭିନ୍ନ ପ୍ରକଳ୍ପର ଅଗ୍ରଗତି ସଂପର୍କରେ ସମୀକ୍ଷା କରିଥିଲେ । ଏହି ସମୀକ୍ଷା ବେଳେ ଜିଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର, ଜିଲା ପରିଷଦ ଅଧ୍ୟକ୍ଷ ପ୍ରଫୁଲ୍ଲ ଜେନା, ପ୍ରକଳ୍ପ ନିର୍ଦ୍ଦେଶକ ପ୍ରତାପ ପ୍ରିିତିମୟ ମହାନ୍ତି, ବ୍ଲକ ଅଧ୍ୟକ୍ଷ ମନୋରଞ୍ଜନ ଘଡେଇ, ବିଡିଓ ପ୍ରଦୀପ କୁମାର ସେଠୀ, ସହକାରୀ ଯନ୍ତ୍ରୀ ଶ୍ରଦ୍ଧା ସୁମନ ନାଥ, ଜୀବିକା ମିଶନର ଡି.ପି.ଏମ୍ ସଞ୍ଜୟ ବାରିକ, ବି.ଏଲ.ସି ସ୍ମିତା ପାଣିଗ୍ରାହୀ, ପିଇଓ ସଂଗୀତାରାଣୀ ପାଣିଗ୍ରାହୀ, ସରପଞ୍ଚ ପୁଷ୍ପାଞ୍ଜଳୀ ସ୍ୱାଇଁ, ପୂର୍ବତନ ସରପଞ୍ଚ ସୁରେନ୍ଦ୍ର ଜେନା, ଜି.ଆର.ଏସ୍ ଭାଗିରଥି ସାହୁ ଉପସ୍ଥିତ ଥିଲେ । ପରେ କାଦବରାଙ୍ଗ ପଞ୍ଚ ।ୟତ ପରିଦର୍ଶନରେ ଯାଇ ଗୀତାଞ୍ଜଳୀ ଟେଲେରିଂ ଉତ୍ପାଦିକା ଗୋଷ୍ଠୀ, ଆପାଦ ମିତ୍ର ତାଲିମ ଶିବିର ପରିଦର୍ଶନ କରିଥିଲେ । ପରିଦର୍ଶନ ବେଳେ କାଦବରାଙ୍ଗ ସରପଞ୍ଚ, ପିଇଓ, ଜିଆରଏସ୍ଙ୍କ ସମେତ ପୂର୍ବତନ ସରପଞ୍ଚ ଉପସ୍ଥିତ ଥିଲେ । ପରେ ନିର୍ଦ୍ଦେଶକ ଆଡିଆ, ବନ୍ତ, ବସନ୍ତିଆ ପଞ୍ଚାୟତ ଗ୍ରସ୍ତ କରିଥିଲେ ।
