ପାରଳା ଶ୍ରୀଜଗନ୍ନାଥଙ୍କ ନୂତନ ମନ୍ଦିର ନିର୍ମାଣ ପାଇଁ ଭକ୍ତଙ୍କ ସହାୟତାର ହାତ ବଢ଼ି ଚାଲିଛି
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମହକୁମା ପାରଳାଖେମୁଣ୍ଡି ସହରରେ ନିର୍ମାଣଧୀନ ଥିବା ଶ୍ରୀଜଗନ୍ନାଥ ମନ୍ଦିରର ନିର୍ମାଣ କାର୍ଯ୍ୟକୁ ଆଗକୁ ବଢ଼ି ଚାଲିବା ପାଇଁ ଭକ୍ତଙ୍କ ସହାୟତାର ହାତ ବଢ଼ି ଚାଲିଛି. ପାରଳାଖେମୁଣ୍ଡି ସହରର ଜଗନ୍ନାଥ ବିହାର ନିବାସୀ ସୁଷମା ରାଣୀ ମିଶ୍ର ମନ୍ଦିର ନିର୍ମାଣ ସକାଶେ ୩୦ ହଜାର ଟଙ୍କା ପ୍ରଦାନ କରିଥିବାବେଳେ ପାରଳା ସହରର ରାଜଗୁରୁ ସାହି ନିବାସୀ ସତ୍ୟ ନାରାୟଣ ମହାରଣା ୧ ଲକ୍ଷ ୧୧ ହଜାର ୧୧୬ ଟଙ୍କା ପ୍ରଦାନ କରି ନୂତନ ମନ୍ଦିର ନିର୍ମାଣରେ ସହଭାଗିତା ହୋଇପାରିଛନ୍ତି. ପାରଳାଖେମୁଣ୍ଡି ଜଗନ୍ନାଥ ମନ୍ଦିର ନିର୍ମାଣ କମିଟି ତଥା ଜଗନ୍ନାଥଙ୍କ ଭକ୍ତ ଦୁର୍ଗା ମାଧବ ପାଣିଗ୍ରାହୀ ଚେକ ଓ ଫୋନ ପେ ଦ୍ୱାରା ଏହି ରାଶି ଗ୍ରହଣ କରିଥିବା ସୂଚନା ମିଳିଛି. ମନ୍ଦିର ନିର୍ମାଣ କମିଟି ତରଫରୁ ଉଭୟଙ୍କୁ ସାଧୁବାଦ ଜ୍ଞାପନ କରାଯାଇଛି.
