ପୁଅ ସାଜିଲା ହତ୍ୟାକାରୀ

ରାଇରଙ୍ଗପୁର,(ଯୁଗାବ୍ଦ ନ୍ୟୁଜ୍‌): ମୟୁୂରଭଞ୍ଜ ଜିଲ୍ଲା ବାଦାମପାହାଡ ଥାନା ଅନ୍ତର୍ଗତ ଡୋଭା ଗ୍ରାମରେ ଏକ ଭୟାନକ ଘଟଣା ଦେଖିବାକୁ ମିଳିଛି । ପାରିବାରିକ ସାମାନ୍ୟ କଳହରୁ ପୁଅ ସାଜିଲା ହତ୍ୟାକାରୀ ।ଯିଏ କଷ୍ଟଉପ୍ତାର୍ଜିତ ଧନ ରଖି ପୁଅକୁ ବଡ ମଣିଷଟିଏ କରିଥିଲା ସେହି ପୁଅ କ୍ରୋଧର ଶୀକାର ହୋଇ ସବୁ ଦିନ ପାଇଁ ଆଖିବୁଜିଦେଇଛି ବାପା । ମୟୂରଭଂଜ ଜିଲ୍ଲାରେ ଏଭଳି ଏକ ନାରକୀୟ କାଣ୍ଡକୁ ନେଇ ଚାରିଆଡେ ବେଶ ଚର୍ଚ୍ଚା ଚାଲିଛି । ମିଳିଥିବା ସୂଚନା ଅନୁଯାୟୀ ଶୁକ୍ରବାର ରାତିରେ କୈାଣସି ଘଟଣାକୁ କେନ୍ଦ୍ରକରି ପରିବାରର ବାପା ଓ ପ୍ରୁଅ ମଧ୍ୟରେ ବେଶ ଝଗଡା ହୋଇଥିଲା । ପୁଅ ଜିତେନ ନାୟକ ଉତକ୍ଷିପ୍ତ ହୋଇ ନିଜର ହିତା ହିତ ।ନ ଭୁଲି ବାପାର ମୁଣ୍ଡ ଉପରେ ଠେଙ୍ଗାରେ ଶକ୍ତ ପ୍ରହାର କରିଥିଲା । ଘଟଣା ସ୍ଥଳରେ ହିଁ ବାପା ଚିତ୍କାର କରି ଉଠିଥିଲା ମରିଗଲି ମରିଗଲି ମତେ ବଂଚାଅ । ବାପା ଗୋପାଳ ନାୟକଙ୍କ ଘଟଣା ସ୍ଥଳରେ ହିଁ ପ୍ରାଣବାୟୁ ଉଡିଯାଇଥିଲା । ଏହା ପରେ ସ୍ଥାନୀୟ ଲୋକେ ପୋଲିସ ନିକଟକୁ ଖବର ଦେଇଥିଲେ । ଖବର ପାଇ ଶନିବାର ଦିନ ରାଇରଙ୍ଗପୁର ଏସଡିପିଓ ସ୍ନେହାଶୀଷ ସାହୁ ଏବଂ ବାଦାମ ପାହାଡ଼ ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରିଥିଲା ଏବଂ ଶବକୁ ଜବତ କରିବା ସହ ରାଇରଙ୍ଗପୁର ଡାକ୍ତରଖାନାରେ ବ୍ୟବଛେଦ କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି ।ପୁଅ ଜିତେନ ନାଏକକୁ ଥାନାରେ ଅଟକ ରଖି ତଦନ୍ତ କରିବା ସହ ମାମଲା ରୁଜୁ କରିଛି ।