ପୁଲିସର ଜ୍ଞାତରେ ଚାଲିଛି ମଦବେପାର, ସ୍କ୍ୱାର୍ଡର ଚଢ଼ାଉ, ଲକ୍ଷାଧିକ ଟଙ୍କାର ମଦ ଜବଦ, ୩ଗିରଫ

ହାଟଡ଼ିହି, : ବିଭିନ୍ନ ସ୍ଥାନରେ ଦେଶୀ ଓ ବିଦେଶୀ ମଦର ବ୍ୟାପକ ଚୋରା କାରବାର ଚାଲିଛି । ପୁଲିସ ଓ ଅବକାରୀ ବିଭାଗ ପାଖରେ ସମସ୍ତ ଖବର ଥିଲେ ମଧ୍ୟ ସେପରି କୌଣସି ଆଖି ଦୃଷିଆ ଚଢ଼ାଉ କରାଯାଉ ନଥିଲା । ଗତ ସୋମବାର ରାତିରେ ରାମଚନ୍ଦ୍ରପୁର ଥାନା ଏସ.ଆଇ ବିଶ୍ୱଜିତ ବେହେରାଙ୍କ ନେତୃତ୍ୱରେ ଏକ ସ୍ୱତନ୍ତ୍ର ସ୍କ୍ୱାର୍ଡ ଆନନ୍ଦପୁରର ବଳଦୁଆଁ, ବିରିଡିଆ ଓ ନନ୍ଦିପଦା ଥାନାର ବାହାରିପୁର ଗ୍ରାମରେ ଚଢ଼ାଉ କରି ବିପୁଳ ପରିମାଣର ବିଦେଶୀମଦ ଜବଦ କରିବା ସହ ଏହି ଘଟଣାରେ ତିନିଜଣଙ୍କୁ ଗିରଫ କରିଛି । ସ୍ୱତନ୍ତ୍ର ସ୍କ୍ୱାର୍ଡର ଏହି ଚଢ଼ାଉକୁ ବିଭିନ୍ନ ମହଲରୁ ସ୍ୱାଗତ କରାଯାଇଛି ।